Salmos 11
11
1Ruzxöni ládxaʼa Xanruʼ gácalenëʼ nedaʼ.
¿Naruʼ guíëtsoʼ nedaʼ:
“Buzxúnnaj lu guíʼa ca runbaʼ biguínnidoʼ”?
2Buyútsöcaʼ, zö́ngaca nupa tuáʼ döʼ yaga uxitiʼ.
Nuzóagaca yágadoʼ lahui tuchiʼ lu du rusé,
para ilútiëʼ bagáchiʼsö nupa nácagaca dxiʼa.
3Channö ilaʼguínnaj yuguʼ le tuʼzóa tsutsu le naca dxiʼa,
¿bizxi caz gaca gun nu naca tsahuiʼ?
4¡Zoa cazëʼ Xanruʼ yudoʼ láʼayi queëʼ!
Yehuaʼ yubá zoa ga röʼë rinná bëʼë Xanruʼ Dios.
Riléʼe guiö́j lahuëʼ para uyúëʼ le tun bönachi.
5Rizíʼ bëʼë Xanruʼ nu naca tsahuiʼ.
Bitiʼ riléʼenëʼ dxiʼa nu ruáʼ döʼ, en nu raza ladxiʼ taʼdáʼbagaʼ yúlahuiʼ.
6Gunëʼ ga sácaʼgaca nupa tuáʼ döʼ le usuniti léguequi.
Ubiʼë quéguequi guíʼ, en le ruquélaʼ guíʼ, en tu böʼ régui.
7Caní gunëʼ Xanruʼ tuʼ náquiëʼ tsahuiʼ, en nadxíʼinëʼ le naca tsahuiʼ.
Nupa tun le nácatë ilaʼléʼe lahuëʼ.
Šiuo metu pasirinkta:
Salmos 11: zar
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© 2009, Wycliffe Bible Translators, Inc. All rights reserved.