پێدایش 10
10
نوهئے نَسل و پَدرێچ
1نوهئے چُکّ، سام و هام و یاپِتئے نَسل و پَدرێچئے کِسّه چُش اِنت:
اِشان چه توپّانا رند چُکّ و بَر کرت.
یاپِت
2گومِر و ماجوج و مَدایی و یاوان و توبال و ماشِک و تیراس، یاپِتئے مردێن‌چُکّ اَتنت. 3اَشکِناز و ریپَت و توگَرمَه، گومِرئے مردێن‌چُکّ اَتنت. 4اِلیشَه و تَرشیش و کِتّیمی مردم و دۆدانیمی مردم، یاوانئے مردێن‌چُکّ اَتنت. 5چه اِشان تئیاب‌دَپی#10:5 تئیاب‌دپ، بزان دریائے نزّیکّ و گوَرێن جاگه، زِرکِرّ، ساهِل. مردم وتی سرڈگاران تالان بوتنت، هر یکّے گۆن وتی جندئے زُبانا، وتی کَبیلهانی هسابا، وتی کئومانی تها.
هام
6کوش و مِسراییم و پوت و کَنهان، هامئے مردێن‌چُکّ اَتنت. 7سِبا و هئویلَه و سَبتاه و رامَه و سَبتِکا، کوشئے مردێن‌چُکّ اَتنت. سَبا و دێدان، رامَهئے مردێن‌چُکّ اَتنت. 8چه کوشا نَمرود پێدا بوت که زمینئے سرا ائولی زۆرمندێن جَنگۆل#10:8 جَنگۆل، بزان جنگَرۆسک، جنگ کنۆکێن مردم. اَت. 9هُداوندئے چمّان نَمرود، زرِنگێن شکاریے اَت، پمێشکا گوَشگَ بیت: ”اے مرد، هُداوندئے چمّان نَمرودئے پئیمێن مزنێن شکاریے.“ 10نَمرودئے بادشاهیئے بِندات چه بابِل، اِرِک، اَکّاد و کَلنِها بوت که شینارئے#10:10 شینارئے سرڈگار، بزان بابِلئے سرڈگار که مرۆچیگێن اِراکئے جنوبی بهر اَت. سرڈگارا اَتنت. 11آ چه اے سرڈگارا آشورا شت و اۆدا نئینئوا، رَهوبوت‌ایر، کالَه و 12ریسِنئے شهری اَڈّ کرتنت. ریسِن، نئینئوا و کالَهئے نیاما اِنت، کالَه مزنێن شهرے.
13چه مِسراییما، لودی و اَنَمی و لِهابی و نَپتوهی مردم پێدا بوتنت و 14پَتروسی و کَپتوری و کَسلوهی مردم، که چه کَسلوهیان، پیلِستی پێدا بوتنت.
15کَنهانئے ائولی چُکّ سئیدون اَت و پدا هیتّی و 16یَبوسی و اَموری و گِرگاشی و 17هێوی و اَرکی و سینی و 18اَروادی و سِماری و هَماتی مردم پێدا بوتنت. رندا کَنهانی کَبیله شِنگ و تالان بوتنت. 19کَنهانئے هَدّ و سیمسر، چه سئیدونا که دێم په گِرارا رئوئے تان گَزَّها اَت و اگن دێم په سُدوم، گُمورَه، اَدمَه و سِبویما رئوئے، تان لَشاها اَت. 20هامئے نَسلئے کِسّه، آیانی کَبیله و زُبان و سرڈگار و کئومئے هسابا همِش اَت.
سام
21سام که یاپِتئے مسترێن برات اَت، آییا هم مردێن‌چُکّ بوت. سام، اِبِرئے سجّهێن چُکّانی بُنپیرُک اِنت. 22سامئے مردێن‌چُکّ، ایلام و آشور و اَرپَکشاد و لود و اَرام اَتنت. 23اَرامئے مردێن‌چُکّ، اوز و هول و گیتِر و ماش اَتنت. 24اَرپَکشاد، شِلَهئے پت اَت و شِلَه، اِبِرئے پت. 25اِبِرا دو مردێن‌چُکّ بوت، یکّێئے نام پێلِگ#10:25 پێلِگئے مانا ”بهر و بانگ“ اِنت. اَت، چێا که همے وهدا زمین بهر و بانگ بوت. براتئے نامی یُکتان اَت. 26یُکتان، اَلموداد و شێلپ و هَزَرماوِت و یێرَه و 27هَدورام و اوزال و دِکلَه و 28اۆبال و اَبیماێل و سَبا و 29اُپیر و هئویلَه و یوبابئے پت اَت. اے سجّهێن یُکتانئے مردێن‌چُکّ اَتنت. 30آ دَمگا که اے نندۆک اَتنت، چه مِشایا دێم په سِپارا اَت، رۆدراتکئے کۆهستگێن مُلکا. 31سامئے چُکّانی کِسّه، آیانی کَبیله و زُبان و سرڈگار و کئومئے هسابا همِش اَت.
32نوهئے مردێن‌چُکّانی کَبیله، آیانی سَر و بُنئے رِد و بندئے سرا، آیانی کئومانی هسابا همِش اَتنت. توپّانا رَند چه همِشان سجّهێن کئوم زمینئے سرا شِنگ و تالان بوتنت.
Šiuo metu pasirinkta:
پێدایش 10: HPKB
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© 2016-22 Wycliffe Bible Translators, Inc.