Lukas Kepurisnan et itueng Surat i Lukas
Kepurisnan et itueng Surat i Lukas
Itueng si Lukas lein lang tawʼt Judio, samat mengeꞌ ibang taaw negsurat et mengeꞌ buuk et Biblia. Erapun si Lukas teyeg et bangsa et Griego. Si Lukas mekansang pinegiskulan ye bekeꞌ ya sembatung doktor. Nengandel ya ki Jesus Kristo, ganang nekingeg ye ating Menungang Abar dut ketulduan i Pablo. Si Lukas bekeꞌ si Pablo sulut neng biꞌbilaꞌ banar. Tiniharan ating timpu dut ikeruwang pepenewan ne i Pablo eset mengeꞌ lein-leing lungsud na menulduꞌ, seked ating timpu na peteyen ya dut lungsud et Roma. Si Lukas kaya nepeblag eset kenye. Ya ne sembatu nengiba ki Pablo dut pepenewan ye.
Itueng bagiꞌ et buuk naꞌ Biblia sinurat i Lukas bekeꞌ ipebibit ye dut ki Teopilo, sembatung pegibuten eset mengeꞌ tawʼt Griego.
Sinugid i Lukas atueʼt Kesuratan na natuꞌ ating Yegang et Empuꞌ antangan ye sembatung taaw. Gaay i Lukas ipesewd dut ginsan et mengeꞌ taaw na si Jesus tantung Yegang et Empuꞌ bekeꞌ mekebawiꞌ Ya kityu teyeg et keselaan tyu. Pineretiꞌ i Lukas na diki lang tawʼt Judio na tebangen i Jesus temed meketabang ya et taaw teyeg et misan enung tutusan atueʼt dunyaꞌ. Pegsugiren ye enukwan tinabang i Jesus mengeꞌ sakit bekeꞌ pegtitiksaen bekeꞌ lebi nega mengeꞌ tawʼt tegesalaꞌ. Pegsugiren i Lukas mengeꞌ neinabu ki Jesus tihad nega pinegyegang ya seked kepeteyan ye sampay ne pegbiyag ye peuliꞌ.
Ketulduan et itueng Surat
Una-una 1:1-4
Pegganak ki Juan neng Mememewtismu 1:5-80
Kepenggenakan i Jesus 2:1-52
Ating ketulduan i Juan neng Mememewtismu 3:1-20
Ating pegbewtismu bekeꞌ pegsulay ki Jesus 3:21—4:13
Ating ketulduan i Jesus dut Galilea 4:14—9:50
Tihad dut Galilea sumangdel dut Jerusalem 9:51—19:27
Emuring linggu et biyag i Jesus 19:28—23:56
Pegkebiyag peuliꞌ bekeꞌ pegpebiriꞌ i Jesus 24:36-49
Pegperibuwat si Jesus dut Langit 24:50-53
Šiuo metu pasirinkta:
Lukas Kepurisnan et itueng Surat i Lukas: plw
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© 2018, Wycliffe Bible Translators, Inc. All rights reserved.