Ranehlö 6:1-4

Chalô ngaich tö e, hē ranulten tarik nö ṙūölöre ṙôken nö ikūö ngam panam, kayôḵnyu ngaich nyīö kikānö; Ngaich yik nyīö kikōnyö aṅ im Tēv nö meuk yik nyīö kikānö aṅ i tarik, töcha növai; ngaich kēḵ pīhöre chā-a töcha nö ṙòkhöre yik töng atöllö cha. Ngaich ngöṙô ngam Mā Tēv, Hö-ö ön min ngihlōn Chu nö örheūheu nö lā-al tarik, pò ò inrē angā-aṅ nöng alaha: lökten nup sakāmö ò min nö hēngòng nët anāi samyeūheu. Nefēlim yik umuh ikūö ngam tumlat hē nuk sakāmö anū-ö, unôichrit e inrē, hē yik nyīö kikōnyö aṅ im Tēv nö yihtöre nö iyik nyīö kikānö aṅ i tarik, ngaich chā-a nö kayôḵnyö kūön cha tö nyīö: chā-a yik tökalēḵ tarik yik ik misī, tarik tö-eūnyu.