Populiarios Biblijos eilutės iš Matyu 5

Dalintis

Epes ina sakata lamifah sopalo'am ma'oh balata owin, owa'etin. Esis sawamonam balatagw ilifa howealama epes hiesi sape ipat nomon. Ea' na'ama etin, ipe' penda' waf bu'unai si'i lamifah ipe'imi mape alihima howealama naep esis amam nematawai hiesi siti waf bu'unai ipe' panda'anai ma seafela agel Ahalomepa nape ilifi lu'una.

Ipe' si'i lam epes hiesi sape etapi pihi'ambas. Anagon taun lu'wagoma natoma halaf ilif ina nape nandambaho', owa'etin.

Ea' ipe' emi egafipa ukup mape bo'om andeande' ma waf aonai a'epa, dei' ipe' pandanifel ea'. Dei' main, ipe' anona nemaf piti God.

Ea' ipe' emi egafipa ukup mehafel ma'ima'i waf bu'unai, si'i nolomahasa gwa'aimi eap pase'asa embel, dei' ipe' pandanifel pape andeande'. Dei' main? Nambimb God nese'epa waf anama bu'unai ukup maimailanai dende'ma ipe' si'ipamana.

Ea' dei' ae' a'ipipa anom basef a'i, ipe' ukup mimila naumbih ipe'isi pese'as opalef, penda' betena God niegiambama isima sanda'mepa waf aonai.

Anan na'i, “Ipe' emi egafipa pegawa ea' ipe' etipa owa' la'ifipama penda' maol bu'unai Godi, dei' ipe' pandanifel pape andeande'. Dei' main, ipe' pawis ea' kingdom heveni.

Ea' ipe' emi egafipa panda' maola pahagofa wandaf patalogamas seanda' waf bu'unai, dei' ipe' pandanifel ea'. Dei' main, God nambimb nofalepa ni'i ipe' awasi ananipei.

Ea' ipe' emi egafipa palef papani, ipe' dei' pandanifel ea'. Dei' main, God nambimb nonda' opalef ipe'imi mope bo'om.

Ea' ipe' emi egafipa paila waf bu'unai ma enis epes sanda'mepa waf aonai sase'epa nimanimi, dei' ipe' pandanifel ea'. Dei' main, dei' ipe' pawis ea' kingdom heveni.

Ea' ipe' emi egafipa pati enis epes uwahipis, dei' ipe' pandanifel ea'. Dei' main, nambimb God niti ipe' uwahipipa.

Ipe' emi egafipa paila ae' pape na'ama. Enis sandaiwa'ma paila ae' sonda' basef mamumami awami baso'maimi ma ipe'. Ea' sese'epa agof awami endilisi si'i ipe' epes aopei ma sase'epa nimanimi. Esis sonda'epa na'ama dei' ipe' pandanifel ea'. Opalef ipe'imi mope awanem pepe pendanifel. Dei' main? Amamaga hiami bu'wami ipe'imi ma'oh heven ilif. Esis isima sanda' waf aonai ma ipe' na'ama etin si'i fowa' gani sanda' waf aonai ma profet amama mape fowa'imi.

Ea' ipe' emi egafipa mamaipama pape sa'ombel owina enis epes, dei' ipe' pandanifel ea'. Dei' main, ipe' anona nemaf pefa' amamaga bu'wami God na'i endilisi ma nease'epam.

Ipe' si'i sol ama pigiambama epes hiesi sape etapi. I'i sol amama mumbul usihima a'am, owa'etin. Nambimb ipe' penda'am pi'imama usihim wapoti'? Owa'etin. Sol amama mumbul maol a'ama sonda'am, esis sokwahom mefe' etap sofofo'asom.

Na'ama ipe' pepe bo'wepa endilisi si'i Ahalomepa ipe'inai God nape heven ilif.

Ipe' pi'iam pi'i a'e o owa'. Pi'i amama atom. Basef watanieimi, amama mataga epen aonai Satan atona.

Ipe' pame'am ea' basef amama fowa' gani mataga ma'i, ‘I'i ipe' pepa' peloma enisa seahepa naep o seatalamepa nalelef, ipe' pegwamas pehas wapoti' penda'as sondagwama etin.’ Dei' ae' a'ipipa, ipe' ina pegwama epes sonda' ipe' aopei, owa'. I'i emi egalin nehepa aomb wa'ol, pendamboma nehepa aomb wa'ol wapoti'.

Ea' Jisas na'ipam anom basef womun etin na'i, “I'i naep ipe'imi mape lagof da'isimi monda'epa pewa ma waf aonai, pigiam pikwahom. I'i alop tu'wanina ipe'inai nefa' nimanimi, amama aom kwaukwawie'. Ina andeande' ma esis sokwaha alop si'ina ipe'inai hi'ilana neafe' wambel aonai hel nif fandumi mapoma. Amama anona nemaf pefa' nimanimi awami lu'wami endilisi. I'i lagof da'isimi monda'epa pewa ma waf aonai, petopa'am pekwahom. I'i alop tu'wanina ipe'inai nefa' nimanimi, amama aom kwaukwawie'. Na'ama esis sokwaha alop si'ina ipe'inai hi'ilana nefe' wambel aonai hel nif fandumi mapoma.