Populiarios Biblijos eilutės iš Matyu 10

Dalintis

Ea' Jisas na'ipam wapoti' na'i, “Ipe' peme', ae' esapa'epa pefe' si'i sipsip pefe' la'afena nombagw wandafumi aolupumi. Na'ama ipe' ukup mondanda' andeande' pefe' pila gawa si'i iguf mafe'. Ea' pila waf bu'unai si'i anona amil ma'unai, ipe' ina ukup mope aoma penda' waf aonai, owa'.

Emi egafis ukup mopoma ambagof asasimi atom si'i sihapilam tatala'im sigiambama ambagof asasimi, anona nemaf ambagof asasimi higililam. Ea' emi egafis ukup mopoma ae' ma sesambala ambagof asasimi etap anae', anona nemaf God nofa' ambagof asasimi sotanimani sope andeande' la'ela'ef hihif.

Ipe' ina umbamehepama esis soha alop atona neaga'i, ea' anona nemaf esis ina la'ifisa soha ambagof ipe'mi, owa'. Ea' ipe' umbamehepama aman anama la'ifinai ma noha alop si'ina noloma ambagof ipe'imi ma wambel aonai hel.

Ae' efa' nimanimi awami anda' maol Godi sehe ega' lawag usi'inai tu'wanainai. Emi egafis owa' senda'am na'ama etin si'i ae' ma sieli, epes isima ina la'ifis setaga alupisi ae'asi, owa'.

Ea' Jisas na'ipas na'i, “Emi egafis sowalapa agel ae'anai ma amam nematawa hiesi, anona nemaf ae' wapoti' ewalapa agof epes isima ma naep Ahalome Godi gani heven. Ea' emi egafis sowa' alafuga ae' sindaiwa'me ma owa' sowalape si'ipas naep amam nematawai, na'ama etin anona nemaf ae' wapoti' ewa' alafugahas ma naep Ahalome Godi gani ilif heven.”

Ipe' penda' awesisi bo'wes pefala saga'i sope namis wapoti', penda' isima awes aonai nanda' alop asasinai nambu'wi sotaga bo'wes. Ea' petofa ambagof awami mapeisi. Pepel Godi ipe' pefa'anai, anama ipe' pefa'ana etin, ina patalana otamba, owa'. Ea' na'ama etin ipe' pese'asana etin esis ina sotaloma ipe', owa'etin.

Na'ama ipe' ina umbamehepa. Anan okom napoma ipe' pikila' amiguf hiami amama.”

Ea' Jisas na'i anom basef wapoti' na'i, “Ipe' ina pi'i ae' afi'i etap anae' ma eakolasa ipe' peape opalef awanem, owa'. Ae' efa'i bainat hi'elinai afi'i ma nambimb enis epes sohafel sepa' sealoma enis.