Populiarios Biblijos eilutės iš Matthieu 16

Dalintis

Na bör̂i êr̂ê na Ièsu yè pâr̂â pâi pa pâgür̂ü xi-e: «Nè yè bar̂i mi ua-nya na dèxâ kâmö, na e na ki dè tâ néxâi-e na ce, mâ pè sataurö xi-e mâ mi ua-nya.

Aè gö êr̂ê yè-i na gènyâ, êr̂ê, gèi Pètèru, aè rö bwêêwé pèyaa-a, wè gö yè pè tömâ Ékalésia xi-nya, aè nè da mör̂ö rai-e na pâr̂â mèö bé né névâ i pèii mé.

Aè gö yè nââ yè-i pâr̂â kii né mwâcir̂i xè nékö; aè ö kââ-ré gè yè rhùvia rö-a bwêê jë wè é yè rhùvia bar̂ee rö rua nékö, aè ö kââ-ré gè yè cöö rö-a bwêê jë wè é yè cöö bar̂ee rö rua nékö.»

Wè ö kâmö ré bar̂i pè mör̂u mör̂u xi-e, nè yè mâ yèri, aè ö kâmö ré kâyâi mör̂u xi-e, wè na pûû-é na gènyâ, wè nè yè mâ dè kwéyëër̂i.

Wè ö jië na pè kwê yè kâmö na ki yè wii yè bwêê jë wânii, aè na kâ vè bwir̂i rö ko-é? Aè ö jië tëë kââ ré nè yè nââ vè pè urhii ko-é?

Na bör̂i êr̂ê yè-r̂é na ce, êr̂ê: «Aè gëve wè, gëve êr̂ê, gö wîr̂î?» Na bör̂i aʼcëi na Simona Pètèru, mâ êr̂ê: «Gèi rö Mésia, O i Bâô ka mör̂u.»

Na bör̂i êr̂ê yè-è na Ièsu, êr̂ê: «Na kau mâmâ na ko-i, wè Simona, o i Iona, wè é da êr̂ê vèa yè-i rö-i kar̂ö mâ war̂a, aè Pevaa xi-nya rö rua nékö, wè na pèri yè-i.