Populiarios Biblijos eilutės iš YAYA 1

Dalintis

Un te palai diaʹ alaʹ ia, penco ngelan ia. Ina ukoʹ o naʹ penyukat mida sukat uyan ida diaʹ anak Allah.

Kena Allah nyelung uyan tanaʹ ini, un ca Laki iaʹ koʹ baʹan Tiraʹ cen kimet Allah. Tiraʹ ini un pemung ngan Allah. Atek kuaʹ Allah lete Tiraʹ ini pe.

Dema ini iaʹ ngedema dalau ntem, ngan ntem abeʹ un senteng kelemataʹ dema ini ne.

Tiraʹ idai are, lepa nai pekaliu ca usa kelunan, penco mudip neng ahang ilu. Ameʹ diaʹ taʹan serema peniga ha sangan pengelesau ngan isiu iaʹ telit. Bang ca ia le iaʹ Anak Amai Bio, ina ukoʹ un pekina uban puyan serema peniga ha.

Man Tiraʹ ini lete Allah uyan ketoʹ naʹan inu ne. Ca inu pe abeʹ un nuyan tahaʹ awang neng ia. Tiraʹ ini ne iaʹ puʹun udip, ngan udip ini te iaʹ ngkin dema palaʹ kelunan.

Neng kenempam me, Yaya taʹan kenai Yesus palaʹ ia ngan kuma ha: “Ini ne atek Anak Dumba Allah iaʹ senteng mesau penyalaʹ kusun tanaʹ ne.

Tiraʹ idai are, lepa un kaʹ usun tanaʹ ini. Man ia lete Allah lepa uyan usun tanaʹ ini. Naʹ pe pekina, dulu kusun tanaʹ ini abeʹ tisen ia are. Nai te ia palaʹ tanaʹ a tengen, un sepuʹo kelunan dina diaʹ anun ne tengen lete, abeʹ de ubaʹ alaʹ ia ne.

Dema ini iaʹ atek dema lan, dema iaʹ nai kusun tanaʹ ini, iaʹ ngedema udip kelunan mung.

Cen Musa, Allah lepa naʹ Katuk Adet milu. Un sepuʹo cen Yesus Keristus kenai pengelesau ngan isiu iaʹ telit.