Populiarios Biblijos eilutės iš LUKASI 6

Dalintis

Po pɑ hɑ ywə bi pyə shɑ́ pɔ, Si sɔ' hɑ ywə bi po; pu gɔ sɔ' nyəŋ pʉə dzə́ yɔ, hya, cʉ'nyə, a lo tə pfyə. Si gɔ sɔ' lɑ pɑ fo' yə po nə fo' pɔ a nə fo' wɔ.

Mo pɑpuŋ nthé nwə pɑpuŋ nə nthɛ nwə pɑpuŋ yə a bɑ nthʉm tʉ́m tsyə́ a, mo cwəpuŋ pɑ nthé go' nə nthɛ go' e. Nə pa' ywə yə mo gɔm a bɑ ywə yə a fɑ nthʉm tʉm e a.

Sɔ' m̀ nə po, po kuŋ mghɛ bo pɔ́, gə́ nwə pɑpuŋ bi pu, bɑ hu tə pyap gɑ pu gɔ ti pa' bi po. Po gɔ sɔ' ghə mcwɔ'fa' gwyə́, po gɔ sɔ' pɑ pó Si yə e shɔm ba pɔ cwəpuŋ a.

Po pɑ mghɛ cɔmmtso dəŋdəŋ pa' Tá yɔ bɑ gɛ cɔmmtso a!

Ka po pɑ nthé bya nə pɔmnəŋ, Si kɑ sɔ' nthé bya nə po. Ka po pɑ nyəŋ shɛ thə́ pɔmnəŋ, Si kɑ sɔ' nyəŋ shɛ thə po! Po pɑ dɑ mhɔ pɔ shwyɛ' wap, Si sɔ' dɑ mhɔ mɔ nə shwyɛ' wɔ.

Tə gǎ wə gɔm bi po pyə pó wə ju' a gɑ́ pò kuŋ mghɛ bo pɔ; po ghə nwə pɑpuŋ bi pɔ pyə wap bɔ wɔ́ a po nyəŋ byanyə́ nə pɔ pyə wap nyəŋ do nə po a, po cwyɛ'nyə Si nə thə pɔ pyə wap nthɛmnɛ mɔ a.

Ywə yə pǒ shəŋ gɑ pɔmnəŋ ghə nə po a, po ghə ywə bɔ nə pu.

Mo cwɔ pǔ nə́ mu' ghəŋ təŋ o, o nya yə mu' ghəŋ bi. Mo lɑ dzə fɔk o, o kɑ kɔ gɑ e kɑ lə yə nthʉm o. Mo kwi ywə bu, o hɑ bi e. Mo lɑ ywə ó, o tak bi e.

Thə́ nthʉɔ tə jam nthɔm cwəpuŋ pɑ; thə́ cwəpuŋ lə pɑ́ jam nthɔm pɑpuŋ.

Pú jyə ba ya ta' thə́ lə pɑ nə nthɔm myə́. Bi a pɑ pu lə kap nthɔm thə́ nə mka'tə, kɑ nə kap nthɔm thə mlu' nə jǔŋ lɑ?