Populiarios Biblijos eilutės iš Yôhan 3

Dalintis

“Ơi Adai khăp biă mă kơ abih bang mơnuih mơnam tơl Ñu pha brơi Ană Ñu kơnơ̆ng hơmâo ha čô, kiăng kơ hlơi pô đaŏ kơ Ană anŭn, ñu anŭn ƀu či răm rơngiă hĭ ôh samơ̆ či hơdip hlŏng lar hăng Ơi Adai amăng plei hiam yơh.

Ơi Adai pơkiaŏ rai Ană Ñu amăng lŏn tơnah anai ƀu djơ̆ kiăng kơ klă̱ kơđi kơ lŏn tơnah ôh, samơ̆ kiăng kơ pơklaih hĭ mơnuih mơnam yua mơ̆ng Ană anŭn yơh.

Yêsu laĭ kơ ñu tui anai, “Kâo laĭ kơ ih kơtang biă mă, tơdah Ơi Adai ƀu ngă brơi kơ sa čô mơnuih tŭ tơkeng dơ̆ng kơ phrâo, sĭt ñu anŭn ƀu dưi mưn tŭ tơlơi git gai mơ̆ng Ơi Adai ôh.”

Hlơi pô đaŏ kơnang kơ Ană anŭn, Ơi Adai ƀu či klă̱ kơđi kơ ñu anŭn ôh, samơ̆ hlơi pô ƀu đaŏ kơnang ôh kơ Ñu, Ơi Adai hơmâo klă̱ kơđi laih kơ ñu anŭn, yuakơ ñu ƀu đaŏ kơnang ôh kơ Ană Ơi Adai kơnơ̆ng ha čô.

Anai yơh jing tơhơnal tơlơi yua hơget Ơi Adai klă̱ kơđi mơnuih mơnam: Pô kar hăng tơlơi bơngač hơmâo rai laih pơ lŏn tơnah anai, samơ̆ mơnuih mơnam khăp ngă tơlơi sat ƀai kar hăng khăp kơ tơlơi kơnăm mơmŏt, hloh kơ tơlơi đuaĭ tui Pô jing kar hăng tơlơi bơngač anŭn, yuakơ bruă mơnuă ƀing gơñu ngă jing sat ƀai.

Yêsu khŏm jing yom prŏng tui; kâo khŏm jing ƀu yom tui yơh.”

Hlơi pô ngă sat ƀai ñu anŭn pơrơmut kơ Pô jing kar hăng tơlơi bơngač, laih anŭn ƀu či nao pơ Ñu ôh, yuakơ ñu huĭ kơ Pô anŭn pơrơđah hĭ tơlơi bruă sat ƀai ñu hơmâo ngă laih.

Hlơi pô đaŏ kơ Yang Ană, ñu anŭn či hơdip hăng Ơi Adai hlŏng lar, samơ̆ hlơi pô hơngah ƀu đaŏ ôh kơ Yang Ană, ñu anŭn ƀu či hơdip hăng Ơi Adai ôh, samơ̆ Ơi Adai či hil kơ ñu laih anŭn či pơkơhma̱l hĭ ñu hlŏng lar.”

Kar hăng Môseh yŏng đĭ laih ala ngă hăng ko̱ng ƀơi tơmĕh kơyâo amăng tơdron ha̱r yơh, ăt tui anŭn mơ̆n arăng či yŏng đĭ Kâo, jing Ană Mơnuih, ƀơi kơyâo bơrơkal

Yang Ama khăp kơ Yang Ană laih anŭn hơmâo ngă brơi laih kơ Ñu git gai abih bang tơlơi.