Populiarios Biblijos eilutės iš Tsutɨarika 3

Dalintis

Hikɨ 'uka mɨkɨ 'ikwaxi witsi'anekame kaniuxeiya kanitihiwe'erieni mitakwanikɨ, timaiwetɨ mayanikɨ. Hikɨ kaneka'inɨni kanitakwani. Kwitɨta yɨkɨna kaniumini mɨkɨta kanitakwani.

Kuu, kwinimieme katinimaiwekaitɨni keyuri hipatɨ yeutari Yawé Kakaɨyari muwarutawewiekai, hikɨ 'uka mɨpaɨ pɨtiuta'iwawiyaxɨ: ―¿Kakaɨyari mɨpaɨ pɨkahainekai xɨari kename xeka'ikwaka naime 'ikwaxi harawerita mieme?

'Ekɨ kuu 'ukamatɨa xepayuye'unieka, meta 'aniwema 'uka niwemama wahamatɨa, 'uka nu'aya xewitɨ pumatikwinitɨani 'amu'utsie, 'ekɨta pepɨtikwinitɨani keputsayatsie».

Meta 'uka mɨpaɨ katiniutahɨawe: «Kukuiniya nepɨtimɨiriya kepauka pemɨtiniweyanitsie, matsi 'akɨna pepinaki'erieka, mɨkɨ mati'aitɨwame payani».

Tukarikɨ peti'uximayatɨ pekwaxiyatɨ 'a'ikwaite pekatinexeiyakamɨkɨ, mexi kwiepa pekanuaweni, hakewa pemetawewiya. Tumuanari pekanihɨkɨtɨni, hutarieka pekaninuamɨkɨ tumuanari pemayanikɨ».

'Uki meta mɨpaɨ katiniutahɨawe: «'Uki 'aku 'Arani, 'ekɨtsɨ pepenu'eni 'a'ɨya, pepitakwai 'ikwaxi, mɨkɨ kɨyetsie mieme tsepa mɨpaɨ nematiutahɨawixɨ pemɨka'ikwakakɨ. 'Ayumieme kwie 'axakani'itɨariekamɨkɨ mɨpaɨ pemɨtiuyurikɨ, haweri mieme peti'uximayatɨ xeikɨa pepɨtikwaka kwiepa mieme, mexi 'ape'uyeikani.

Hikɨ Kakaɨyari mɨpaɨ kaniutayɨni: —¿Kemɨ'ane mɨpaɨ matiutahɨawixɨ kename pemawekai? Mɨkɨ 'ikwaxi nemɨxemaiwe'erikatsitɨakai xekate'utikwai.

Waranuyeweiyaka, haraweri 'Ereni tau manatineika hepatsie Kakaɨyari teɨtametemama memayeneniere meta xeime 'ixipara takame naitsarie 'uyuaneme, huye mɨ'ɨwiyanikɨ kɨye tukari tiyupitɨwame hetsɨa meutayune.

'Uki yu'ɨya 'Ewa pɨtiuterɨwaxɨ, mɨkɨ yunaime nuiwarite wamaama mayanikekaikɨ.