Populiarios Biblijos eilutės iš Mateo 2

Dalintis

Sihuajë huë'ena sa cacajë ñahuë, tsi̱tu'ure pëca ja'co María ja̱'re u̱ina. Ñani do're ja'runi tsihua'ëre de'oquë macani cajë sihuahuë. Ja̱ jeteyo'je i̱ohua'i mahuëa mañare hui'yoni oro, huëo së̱ñe cui'ne mirra i̱te i̱sihuë, jai do'ire.

Judea yejana Jesús co̱asiquë paji'i, a'ri daripë Belén huë'e daripëna. Ja̱ mu'seña Herodes paji'i, Pa̱i Ëjaë, ja̱ yeja cua̱ñequë. Ja̱ mu'seña Jerusalénpi daë'ë, ë̱së mëi te̱'tepi, yequë ë̱mëohua'i Magos hue'ecohua'ipi. Ja̱ohua'i cato pairiohua'i paë'ë, ë̱së mëi te̱'te quë'ro acohua'i. Ma'ñoco yo'oye ye'yecohua'ipi cui'ne de'hue ta̱'ñe cacohua'i paë'ë, i̱ti yo'oyere ñajë. Ja̱ohua'ipi dani se̱i'ë: “¿Jerore pa'iquë'ni, judío pa̱i Ëjaë yure co̱asiquë? Jeto ë̱së mëi te̱'tepi ñahuë, i̱ ma'ñocore. Ja̱je ñani daë'ë, i̱te do're ja'rujë se̱ñu'u cajë i̱ñona.”

Ja̱ maca Magos maña ma'ñocopi ja̱je yo'ouna, ñani ai sihuahuë.

Ja̱ jeteyo'je Maija'quëpi huëo hue̱'ñaja'a quëapi, Herodes quë'ro co'ima'pë pa'ijë̱'ë, caquë. Ja̱je quëaëna, yequë ma'aja'a co'ihuë, i̱ohua'i yejana. Ja̱ohua'i Magos saisi jeteyo'je Ëjaë hui̱ñaëpi huëo hue̱'ñaja'a ñani Josére capi: “Huëni tsihua'ëre cui'ne pëca ja'core sai sajë̱'ë, Egípto yejana. Ja̱rona sani pëajë̱'ë, yë'ëpi yeque yo'oye pa'ito caëna, yo'oja̱'quë. Yure cato Herodespi tsihua'ëre huani je̱osi'i caquë co'eja̱'quë api. Ja̱ do'ire saijë̱'ë.”