Populiarios Biblijos eilutės iš Iuwãu 7

Dalintis

Pywo pe ti uimohey haria pya piat pe aikotã yꞌy tuwẽtem yresa ewywuat aat kaꞌap teꞌyꞌutui hap monik hamuat.

Miꞌi hawyi ienuk hap heꞌat ikahuro hamo mekewat poꞌog iwato hap eꞌat pe Iesui ipoĩꞌam iꞌatupyꞌasetpe hawyi haty wo toꞌe iꞌatuepe -Uwe uwe teꞌyꞌutui miꞌi haria eweiwat ro uhewowi eiweꞌyꞌu hamo e.

Mekewat eꞌat pe yt kat i te Tupana Paꞌãu miitꞌin pya pe. Yt tutum i te pote Iesui taꞌaipok atipy kape hawyi Tupana mimotypot no hawyi toimoꞌẽ Topaꞌãu wakuat tomohey haria torannia pe.

Eweiꞌywyk kahato eiwanetup hap uhetiat e. Yt iũteꞌen neiꞌo uiwesat eipe e. Waku eiwanetup ti ete miꞌi rakirẽ eweiꞌe hãpyk uhepe uwe Uito hap ete e. En yt naku i yt eweiꞌe teiꞌo uhepe iũteꞌen neꞌi e tewanikaptia pe.

Iraniaꞌin aimuꞌe haria taꞌatukyꞌesat kahato -Waku kahato en urumuꞌe hat e hap miitꞌin kaipyi taꞌatukyꞌesat maꞌato yt miꞌi tã i Uito worohoꞌomuꞌe katupono uipoꞌoro hat Tupana motypot hap yn uiwanetup hawe worohoꞌomuꞌe. Tupana motypot teran hat ihay hãpyk kahato rakat yt heso hin i rakat e. Miꞌi hat ewy areineꞌen.

Mio tã iꞌatuꞌe hawyi Iesui tiꞌatuwesat -Uimienoi yt uiat i maꞌato uipoꞌoro hat kaipyi eimuꞌe hamuat e.

Taꞌi miitꞌin yt uwe i ipyꞌahak ehete e maꞌato uhete miitꞌin yt iꞌatuwese i kahato i katupono ahenoi henoi iꞌatuepe iꞌatuminug saꞌag koꞌi e.