Populiarios Biblijos eilutės iš San Juan 2

Dalintis

Co yɨpɨndar vahe poromondɨisa Jesús oyapo vahe aheve. Ipɨpe omboyecua güeco pĩratasa. Sese semimbohe vɨroya ité yuvɨreco.

—Cuña, ¿mahera vo aipo ere cheu? Che remimbotar rumo arɨ ndoyepota vɨtei cheu —ehi osɨ upe.

Evocoiyase ahe ava ɨgua rese ihañeco vahe upe aipo ehi: —Pemboapɨpopa co cambuchi ɨ pɨpe —ehi. Omboapɨpopa tuprɨ yuvɨreco. Evocoiyase aipo ehi ava ihañeco vahe upe: —Penosemi chĩhi, peraso pieta rese hañecosar uve —ehi. Ẽgüe ehi eté yuvɨreco.

Evocoiyase, —Pemondurupa co tũparo, che evocoiyase mbosapɨ arɨ rupive amopuha irira —ehi judío eta upe.

Co mbahe repiase rumo, Jesús oyapo tucumbo omombopa tuprɨ tũparo sui opacatu ava imbahe reseve-seve, seimba ovesa, seimba guaca avei. Guarepochi recuñarosar sui otɨapɨ-apɨi iguarepochi ɨvɨ rupi, iyavei imesa opa omombo. Apɨcasu mondosareta uve aipo ehi: —¡Penosepa co mbahe cũritei ave sui! —ehi—. ¡Aní che Ru rẽta mbahe mondosa tẽi pereco! —ehi.