Populiarios Biblijos eilutės iš Ioane 14

Dalintis

“‘Ou te tu‘uina atu ‘iā te ‘outou le manuia; o lo‘u manuia ‘ou te avatu ai ‘iā te ‘outou; ‘ou te lē avatu ‘iā te ‘outou fa‘apei ‘ona avatu e le lalolagi. ‘Aua le atuatuvale o ‘outou loto, ‘aua fo‘i tou te matata‘u.

‘Ua fetalai atu Iesu ‘iā te ia, “O a‘u nei le ala, ma le ‘upu moni, ma le ola; e lē alu atu lava se tasi i le Tamā, pe a lē ui mai ‘iā te a‘u.

“‘Aua le atuatuvale o ‘outou loto; ‘ia ‘outou fa‘atuatua i le Atua, ‘ia fa‘atuatua mai fo‘i ‘iā te a‘u.

A o le Fesoasoani, o le Agaga Pa‘ia lea, e ‘auina mai e le Tamā i lo‘u igoa o ia lava na te a‘oa‘o ‘iā te ‘outou i mea uma lava; e fa‘amanatu mai fo‘i e ia ‘iā te ‘outou i mea uma na ‘ou fai atu ai ‘iā te ‘outou.

“O lē ‘ua ‘iā te ia a‘u poloa‘iga ma tausi i ai, o ia lea e alofa mai ‘iā te a‘u; o lē alofa mai fo‘i ‘iā te a‘u, e alofaina o ia e lo‘u Tamā; ‘ou te alofa fo‘i ‘iā te ia, ma ‘ou fa‘aali ‘iā te ia.”

‘Ou te fai atu fo‘i i le Tamā, ‘ona foa‘i mai ai lea e ia ‘iā te ‘outou le tasi Fesoasoani, ‘ina ‘ia tumau pea o ia ‘iā te ‘outou e fa‘avavau; o ia o le Agaga o le ‘upu moni, e lē mafai e le lalolagi ‘ona talia o ia, auā ‘ua lē va‘aia o ia, ‘ua lē iloa fo‘i o ia; a o ‘outou, ‘ua ‘outou iloa o ia, auā e tumau pea ia ‘iā te ‘outou, e i ai fo‘i o ia i totonu ‘iā te ‘outou.

O mea uma fo‘i tou te ole atu ai i lo‘u igoa, ‘ou te faia lava; ‘ina ‘ia vi‘ia le Tamā ‘ona o le Atali‘i. ‘Āfai tou te ole atu i se mea i lo‘u igoa, ‘ou te faia lava.

“‘Āfai tou te alofa mai ‘iā te a‘u, ‘ia ‘outou tausi mai i a‘u poloa‘iga.

E tele mea e nonofo ai i le maota o lo‘u Tamā; ‘ana leai, ‘ua ‘ou fai atu ‘iā te ‘outou; ‘ou te alu e sauni se mea e nonofo ai ‘outou.

‘Āfai fo‘i ‘ou te alu ma sauni se mea e nonofo ai ‘outou, ‘ou te toe sau, ‘ou te talia fo‘i ‘outou ‘ia fa‘atasi ma a‘u; ‘ina ‘ia i ai ‘outou i le mea ‘ou te i ai a‘u.

‘Ua fai mai Toma ‘iā te ia, “Le Ali‘i e, matou te lē iloa le mea ‘e te maliu atu i ai, matou te mafaia fa‘apefea ‘ona iloa o le ala?”