Populiarios Biblijos eilutės iš Marcos 2

Dalintis

Jascajaquin yocacaibo nincaxon Jesusen jato yohiquin: —Hisinjomabo pishinaima bi ta hisinyahpabo rahonica pishinihqui. Hohchajoma jonibo quenahima bi tah hen hohchayahpabo quenahi joniqui —jato jaquin.

Rohajatihi shinancoinaibo jisxon yora honanyamajaquetai joni sca Jesusen yohiquin: —Miin hohcha ta sohuá scah qui, baquen —hahquin.

Jato jascajaxon yohirihbiquin: —Tantiti nete copi joni jaima bi ta joni copi tantiti nete jaiqui.

Joni tsamajaquetaiboya Jesus pataxti hahtipahyamaxon Jesus mahchi xobo pemacanya tsecaquin. Quinijaxon jahuen cacajatiyabi jaa joni botonpaquecanquin. Yora honanyamajaquetai joni hahan racatai bi botonpaquecanquin.

Nai nequebihoxon hohcha sohuati hihbo hea jai man honannon hihxon tah hen nea sca yohihi —jato jaxon yora honanyamajaquetai joni sca yohiquin: —Mia ta hen yohihi. Huenihue. Miin cacajati bichish miin xobon caresscatanhue —hahquin.

¿Jahue meha joi nea yora honanyamajaquetai joni yohiti hashoan teema quin? ¿Miin hohcha ta sohuá scah qui hihqui nan? ¿Hueníhue, miin cacajati bichish caresscatanhue hihqui nan? ¿Jahue meha hashoan yohiti teema quin nan?

Yohihah huenixon jahuen cacajati bichish res sca jaton jisnonbi caini. Jatihixonbi jisish rahtetax siripi Papa qui yohuancani: —Jahuentianbi tah non jascajahi jisyamaniqui —hihcani.