Populiarios Biblijos eilutės iš Gn 1

Dalintis

Toja' naq kixye li Yos: “Qayoob'tesihaq li poyanam jo' qajalam u, jo' qilob'aal laa'o, re taataqlanq sa' xb'eeneb' li kar sa' palaw, sa' xb'eeneb' li xul neke'rupupik chiru choxa ut li wankeb' sa' k'iche', sa' xb'eeneb' li ketomq ut sa' xb'eeneb' chixjunileb' li xul neke'xjukuki rib' chiru ch'och'”. Ut li Yos kixyoob'tesi li poyanam jo' xjalam u. Jo' xjalam u li Yos naq kixyoob'tesi; teelom ut ixq naq kixyoob'tesiheb'.

Li Yos kirosob'tesiheb' ut kixye reheb': “Chiwanq eeralal eek'ajol, chexk'ihanq, chenujob'resi li ruuchich'och' ut chereechanihaq. Chextaqlanq sa' xb'eeneb' li kar sa' palaw, sa' xb'eeneb' li xul li neke'rupupik chiru choxa ut sa' xb'eeneb' chixjunil li xul li neke'xjukuki rib' chiru ch'och'”.

Sa' xtiklajik chaq li Yos kixyoob'tesi li choxach'och'.

Li ruuchich'och', maak'a' wan chaq chiru: junes aak'ab' wank sa' xb'een xchamal li palaw, ut li xmusiq' li Yos naheelank chaq sa' xb'een li ha'.

Kixye li Yos: “Chiwanq li saqenk”. Ut kiwank li saqenk.

ut li Yos kiril chixjunil li xb'aanu: a'an q'axal chaab'il. Ki'ewuuk ut kisaqewk: a'an li xwaq li kutan.

Naq kiril li Yos naq us li saqenk, kixjach li saqenk rik'in li aak'ab'

Kixye ajwi' li Yos: “K'ehomaq reetal, xink'e eere chixjunil li awimq li wankeb' riyajil sa' ruuchich'och'. Xink'e ajwi' chixjunil li che' li neke'uuchink ut wankeb' riyajil. A'anaq leetzekemq.

“kutan” kixk'e cho'q xk'ab'a' li saqenk ut “q'oqyink” cho'q xk'ab'a' li aak'ab'. Ki'ewuuk ut kisaqewk: a'an li xb'een li kutan.

Kixye li Yos: “Chiwanq taqe'q jun li kupku sa' xyanqeb' li ha' re tixjacheb' chirib'il rib'”.

Ab'anan chixjunileb' li xul li wankeb' sa' ruuchich'och', eb' li neke'rupupik chiru choxa ut eb' li neke'xjukuki rib' chiru ch'och', jo'k'ihaleb' li yo'yookeb', tink'e li raxpim cho'q xtzekemqeb'”. Jo'kan ki'uxk

Toja' naq kixye li Yos: “Che'wanq xsaqenkil li choxa re te'xjach li kutan rik'in li q'oqyink. Te'k'anjelaq cho'q reetalil li ninq'e, li kutan ut li chihab'

kixye chi jo'ka'in: “Chiwanq che'k'aam chiru li ch'och': a' li pim li taawanq riyajil ut eb' li che' li te'uuchinq ut te'wanq riyajil sa' ruuchich'och', a' yaal chanru li xpaayil”. Ut jo'kan ki'uxk.

Ut li Yos kixb'aanu li kupku; kixjach li ha' li wank taq'a rik'in li ha' li wank taqe'q. Ut jo'kan ki'uxk.

Kiyo'laak li che'k'aam chiru li ch'och': raxpim li wank riyajil, a' yaal chanru li xpaayil, ut eb' li che' li neke'uuchink ut wankatqeb' riyajil, a' yaal chanru li xpaayil. Ut li Yos kiril naq us a'an.

Li Yos kixb'aanu li wiib' xninqal saqenk: li nim, a'an aj k'amol xb'e li kutan ut li kach'in a'an aj k'amol xb'e li q'oqyink. Kixb'aanu ajwi' eb' li chahim

Toja' naq li Yos kixye: “Chixjunaji rib' li ha' li wank rub'el li choxa sa' junaj chi na'ajej ut chik'utunq li chaqi ru”. Ut jo'kan ki'uxk. Li Yos “ch'och'” kixk'e cho'q xk'ab'a' li chaqi ru, ut “palaw” cho'q xk'ab'a' li ha' li kijunajo'k ru. Naq li Yos kiril naq us a'an

Li Yos kirosob'tesiheb' ut kixye reheb': “Chex'alanq, chexk'ihanq ut chenujob'resi li ha' sa' palaw. Che'k'ihanq eb' li xik'anel xul sa' ruuchich'och'”.

Toja' naq kixye li Yos: “Che'wanq chixjunileb' li xul sa' ruuchich'och', a' yaal chanru li xpaayil: ketomq, eb' li xul li neke'xjukuki rib' chiru ch'och' ut eb' li wankeb' sa' k'iche', chixjunileb' a' yaal chanru riyajil li junjunq”. Ut jo'kan ki'uxk.

Kixye li Yos: “Chib'ulb'utq li ha' xb'aaneb' li xul, ut che'rupupiq li xik'anel xul sa' xb'een li ruuchich'och' ut chiru choxa”.

Li Yos kixyoob'tesi chixjunileb' li xul li wankeb' sa' k'iche', a' yaal chanru li xpaayil, chixjunileb' li ketomq, a' yaal chanru li xpaayil, ut chixjunileb' li xul li neke'xjukuki rib' chiru ch'och', a' yaal chanru li xpaayil. Ut kiril naq us a'an.