Populiarios Biblijos eilutės iš Иоанн 16

Dalintis

Дица гьаб нужеда бицана, дилъ нужеда рекъел батизе. Гьаб дуниялалда нужее гӀазаб-гӀакъуба букӀина. Амма нуж къвакӀун чӀа. Дун гьаб дуниялалдаса бергьана.

ХӀакъабщинаб загьирлъулеб РухӀ рещтӀараб мехалъ, гьелъ бицина нужее хӀакъабщиналъул. Жибго лъикӀаб лъугьун гурелъул гьеб кӀалъазе бугеб, жиндаго рагӀарабщинаблъидал гьелъ бицине бугеб нужехъе рещтӀараб мехалъ.

Дир цӀар рехсон нужеца гьанжелъагӀан щибниги гьаричӀо. Гьанже гьаре нужерго, гьарараб щвела, нужер рохелги тӀаса камиларо.

Амма хӀакълъун абулеб буго дица нужеда: дун ун лъикӀ нужее. Дун инчӀони, нужер ракӀбатизабулеб РухӀ бачӀине гьечӀо. Инеги ун, дицайин нужехъе гьеб битӀизе бугеб. БачӀун гьелъ загьирлъизарила гӀаламалъул мунагьалги, дир ритӀухълъиги, суд гьабулеб къо тӀаде гӀунтӀулеб букӀинги.

Гьедин нужги гьанже пашманго руго, амма нахъеги дида нуж рихьараб мехалъ, рохалил цӀела нужер ракӀал ва гьеб рохелги нужехъа лъицаниги бахъиларо. Гьеб къоялъ нужеца дида щибниги гьикъиларо. ХӀакълъун абулеб буго дица нужеда: нужеца щиб гьараниги, дир цӀаралъе гӀоло, кьела нужее дир Инсуца.

ХӀакълъун абулеб буго дица нужеда: дида хадур магӀаби гьарун гӀодила нуж. Амма гӀалам бохила. Нуж пашманлъила, амма гьеб нужер пашманлъи рохелалде сверила.