Populiarios Biblijos eilutės iš Bhaa-bhaana 3

Dalintis

Bhawine sumai akamata ande bhakena puu sumai amalape to atokande tee amakesa kamataana. Tee uka, puu sumai amakesa roonamo aumbaaka akala malape. Sumaimo, aalamea bhake sumai kasiimpo akandea. Sapadhana sumai adhawuakamea uka i umanena mopobhawana, tee umanena uka akandemea.

O ulo satotuuna binata mokoʼakalana minaaka i sagala binata momaila ipamembalina KAWASANA OPU Aulataʼala. Saangu wakutuu aabhakimo o ulo i bhawine sumai, "Atotuu Aulataʼala afirimani, 'Bholi ukandea bhake minaaka i puu opea uka i nuncana i inawu sii?' "

Iaku bhekupadhaangia pomusuia i tanga-tangana ingkoo tee bhawine sii, i tanga-tangana siwulumu tee siwuluna. Siwuluna bheapahancurua bhaamu, tee ingkoo bheapekambelaia korontunguna."

Firimanina i bhawine sumai, "Iaku bhekupekabharia kanarakaamu i wakutuuna ubhawa-bhawa, tee karasaimu ingkoo bheupalaahiriaka anaana. Moomini mboo sumai, ingkoo bheusadia gaumu to umanemu, tee incia bheakokuasa i bhawona ingkoo."

Tee umarasaiakea ingkoo bheupeelo kinandemu sampe ingkoo umbuli pendua umembali tana, roonamo minaaka iwe siitu ingkoo aalako. Sababuna ingkoo satotuuna o ngawu, tee bheupendua membali ngawu."

Kasiimpomo firimanina i Adamu, "Roonamo uperangoia pogauna bhawinemu tee ukande bhake minaaka puu mopadhana iparintangiakaku i ingkoo, 'Bholi ukandea,' sumaimo atotundamo tana roonamo ingkoo. Tee umarasaiakea ingkoo bheukande hasilina, saʼumurua dhadhimu.

Firimanina, "Incema mopaumbako ande ukalealea? Mboona ukande bhake minaaka i puu mopadhana iparintangiakaku bholi ukandea?"

Incia awulu maanusia sumai alimba, kasiimpomo i wetana timbu i Inawuna Eden tee adhikaakea rua mia malaaʼekatina kerub tee samata hancu mokarore-rorena tee mopekapatiina i sagala rope to mojaganina dhala moporopena i puu idhadhiaka sumai.

Maanusia sumai asarongiakea bhawinena Hawa sababuna inciamo inana minaaka bhari-bharia modhadhina.