Populiarios Biblijos eilutės iš Yôhan 19

Dalintis

Lah Brah Yêsu hŏ dơn jêh dak srat nây, Păng lah: “Lĕ rngôch nau kan hŏ lôch jêh!” Jêh nây Păng kŭnh bôk, tăch n'hâm.

Jêh nau nây, Brah Yêsu gĭt ma lĕ rngôch kan hŏ lôch jêh, jêh ri gay ma nau ngơi tâm Nau Brah Ndu Ngơi tât di ngăn, Păng lah: “Gâp ji hir.”

Brah Yêsu saơ mê̆ Păng jêh ri du huê oh mon Păng rŏng gŭ dăch ta nây, Păng lah ma mê̆ Păng: “Hơi bu ur, nây jêng kon bu klâu ay!” Jêh nây Păng lah ma oh mon nây: “Aơ jêng mê̆ may!” Ntơm bơh mông nây, oh mon nây leo păng sĭt ta ngih păng nơm.

Ƀiălah dôl tât ta ntŭk Brah Yêsu, khân păng saơ Păng lĕ khĭt jêh, khân păng mâu hôm ƀư deh jâng Păng ôh. Ƀiălah geh du huê tahan sŏk tak ntâp ta pŭng vĕ Brah Yêsu, mham jêh ri dak luh hoch ro.

Lĕ nau aơ tât geh gay ma tâm di ngăn nau ngơi tâm Nau Brah Ndu Ngơi: “Mâu geh du mlâm nting Păng deh ôh.” Jêh ri ntop du nau ngơi ƀaƀă tâm Nau Brah Ndu Ngơi: “Khân păng mra saơ bunuyh khân păng hŏ ntâp jêh.”

Brah Yêsu tuy si tâm rkăng hăn tât ta du ntŭk bu kuăl jêng Ntŭk Nting Bôk, nau ngơi Hêbrơ kuăl jêng Gôgôtha.

Phung tahan tanh du mlâm đon hađăch ma lok, ndô ta bôk Brah Yêsu, jêh ri ăn Păng nsoh ao chăng.