Populiarios Biblijos eilutės iš Phŭn Blŭng 15

Dalintis

Abram ngư̆ Yêhôwa, nŭn Yêhôwa yap ñu mơnuih kơpă, yua ñu ngư̆ klơi Yêhôwa uăn.

Dơdơi mơ̆ng klơi nŭn, Yêhôwa pơƀôh br̂ơi Abram, pah anŭn klơi pơhiăp Yêhôwa hmĭ nao pơ Abram: «Ơ Abram, anăm huĭ ôh. Kâo yơh hyŏl bơging ih, ih ti hmâo dr̂ăm bơni dŭt jat.»

Jr̂ŏng nŭn Yêhôwa ba ñu biă gah ia-wang, dăp pơhiăp laĭ: «Br̂ơi ih lăng đĭ pơ adai, yap pơtŭ wŏ, jơ̆ laĭ ih anăm yap.» Jr̂ŏng nŭn Yêhôwa pơhiăp dŏng: «Djuoi ih ti hmâo lô-lĭn hla ti pơtŭ nŭn mơ̆n.»

Jr̂ŏng nŭn, klơi pơhiăp Yêhôwa hmĭ nao pơ Abram dŏng: «Pô nŭn bĭ tô̆ dr̂ăm pơđŏk ih ôh. Nă đahkơi biă mơ̆ng ih pô, ñu yơh ti tô̆ dr̂ăm pơđŏk ih.»

Pah anŭn Yêhôwa pơhiăp hr̂ŏm Abram: «Br̂ơi ih thâo kr̂ăn dơdi laĭ, djuoi ih ti jr̂ŏng tuai dŏ mơ̆ng lŏn-ia bĭ djơ̆ lŏn-ia gơñu pô, gơñu ti jr̂ŏng hlŭn r̂ăng pơ anŭn, wŏt nă plơi lan čal nŭn ti bơjăm bơjuă ngă pơkơnap gơñu pă tuh thŭn.

Plai Abram kơña glaĭ: «Ơ Khua Yang Yêhôwa, hiư̆m, nŏ yĕt ih ti pha br̂ơi kâo? Yua kâo ti djai boih, kâo ka hmâo nă ôh. Nĭng nŭn yơh, pô ti tô̆ dr̂ăm pơđŏk mơ̆ng sang kâo djơ̆ Êli-êsơ, nă plơi Đamah ne đơč.»

Mơ̆ng r̂ơi nŭn Yêhôwa kă klơi uăn bơgop hr̂ŏm Abram, ñu laĭ: «Kâo ti pha br̂ơi djuoi ih lŏn-ia ne, tô̆ mơ̆ng goi čal Êjĭp, khă tơl ia kr̂ong dŭt a iâo ia kr̂ong Ơprat

Tơl nôk ti pă kơñ, djuoi ih ti wŏt glaĭ pơ ane dŏng, yua nêne klơi glaĭ môt sô̆n-sat Amôri ngă, ka tơl kâo ti tr̂ĕ kơđi gơñu ôh.»