Populiarios Biblijos eilutės iš Jân 13

Dalintis

Mbi věndi inyěni elekanako ya kya, na, Tândânâkâni; pani k‘ Umba‐mbi tândâkě inyěni, tândânâkâni tepě nonaně. Ekae ndi ya bato běhěpi e ka yowaně na o ndini beyokwedi beamě, oningě o jadini n‘ itândě inyěni mětě n‘ inyěni mětě.

Ndi oningě Umba, Upangiyi muanyu na Uyokwidi muanyu, Mba tuka inyěni matambi; inyi mětě n‘ inyi mětě o lukakand‘ o tukanani matambi. Ikabojana Mbi věndi inyěni mbuna, na, hakani k‘ Umb‘ ’i ma ha inyěni.

Jisus a yavwanakindi ka Mâ‐a vâ na ju, na, Eamě e hakě, âvě oa ’wě yâ kya těkaně; ndi o ka yowěte okava tombango.

Pâkwěpâkwě mětě Mbi vâki n‘ inyěni, na, Uhayi a ’bě boněně wa na Upangiyi; a lomakwě a ’bě boněně tepě wa na a ma loma mâ.

Oningě oa yowěni belombo těkabe, n‘ inyěni oa hi beâni, ibâtâ n‘ inyěni.

A umwakindi o huma ea kolo, ka Mâ‐a nangidě ngâi jaju bya; ka Mâ‐a nângâ tolu, ka Mâ‐a dinga utumba. Beně pa, A hovakidendi miba o sěngě, ka Mâ‐a yalě o tuka matambi ma beyokwedi, na Mâ‐a ka titwaka mâ na tolu tě eaju e diyakidi dinganango.