Populiarios Biblijos eilutės iš Johanne 6

Dalintis

Jesu a re ho bona: Ke nna bohobe ba bophelo; mme ya dumelang ho nna a ke ke a nyorwa le ka mohla o le mong.

Moya ke wona o phedisang; nama ha e thuse letho: dipolelo tseo ke le bolellang tsona ke moya, mme ke bophelo.

Le se ke la sebeletsa dijo tse felang, le mpe le sebeletse dijo tse hlolang ho isa bophelong bo sa feleng, tseo Mora motho a tla le nea tsona

Ho rata ha ya nthomileng ke hore e mong le e mong ya bonang Mora, mme a dumela ho yena, a be le bophelo bo sa feleng, mme nna ke tla mo tsosa ka letsatsi la ho qetela.

Jesu a araba, a re ho bona: Mosebetsi wa Modimo ke hore le dumele ho eo a mo romileng.

Bohle bao Ntate a nneyang bona ba tla tla ho nna; mme ya tlang ho nna nke ke ka mo leleka.

Simone Petrose a mo araba, a re: Morena, re tla ya ho mang? ke uena ea nang le mantsoe a bophelo bo sa feleng.

Ke nna bohobe bo phelang, bo theohileng lehodimong; ekare ha motho a eja bohobe bona, o tla phela ka ho sa feleng, mme bohobe boo ke tla fana ka bona, ke nama ya ka, eo ke tla e nea bakeng sa bophelo ba lefatshe.

Ha ho motho ya ka tlang ho nna, ha a sa hulwe ke Ntate ya nthomileng

Hobane bohobe ba Modimo ke ya theohang lehodimong, ya fang lefatshe bophelo.

Ke ’na bohobe ba bophelo.

Jesu a nka mahobe; eitse hobane a lebohe, a abela ba dutseng; le dihlapi ka mokgwa o jwalo, kamoo ba ratang kateng. Eitse hobane ba kgore, a re ho barutuwa ba hae: Bokellang maratha a setseng, hore ho se ke ha timela letho.

Yare ha ba se ba soka sebaka se ka bang dikhilomithara tse mashome a mabedi a metso e mehlano, kapa tse mashome a mararo, ba bona Jesu a tsamaya hodima lewatle, a atamela sekepe; Empa a re ho bona: Ke nna; se tshoheng.