Populiarios Biblijos eilutės iš Matie 7

Dalintis

'A zlɛ-, -mɔ, 'wa 'yi 'anye kɔ 'je, 'a tɛle- 'siɛ, -mɔ, 'a 'yi yle-, 'a gbɔtɔ- -gbulɛ, -mɔ, 'nyɔkpɔ 'yi kɛle-.

"Naa-, -ɔ zlɛ -wɛ, 'ɔyi 'wa "nyɛ -lɔ, -ɔ tɛle 'siɛ -wɛ, 'ɔɔ yle -lɔ, "ne -ɔ gbɔtɔ -gbulɛ -wɛ za 'wa kɛle -lɔ lɔbhɔ.

'Nyɔkpɔ 'na -ɔ 'no 'neɛ weli "ne 'ɔ 'nɔŋo "ku -wɛ, 'ɔ -ko sɛgbɛɛ "nanenyɔ -ɔ 'sɔbhɔle- 'ɔnɛɛ -bhudu 'tiyi "klo.

«-Ye 'a 'yɔbhɔ -gbɔ 'wa no 'anyɛɛ za -wɛ, 'a no -me sɔbhɔ 'alua za. -See Moyize 'na gbagbɛ "ne "guɔkwɔmenya 'wɔ lɛ -wɛ -lɔ.»

-Mɔ, zipkɛ 'na -gbanuɛgwe "ne -kɛ "me 'kpɔ- "ne zikpɛ -gwe -piɔpiɔle -kɛ kɔ. 'Ɛnɛɛ bhlibhliɛ 'tɛɛ- -kɛ "me. Wa 'yle -wɛ "ne -kɛ -zu.»

«'A ylɛle- 'se -gbanuɛgwe 'tekeyi "me. "Ɛ 'kpɔ- -kɛ klo -gbanuɛgwe "ne -gwe -ɛ bhlia 'nyakpa 'kwlɛ -wɛ. 'Ɛnɛɛ bhlibhliɛ "ne -kɛ "me 'tɛ-. 'Ɛyi 'ye 'gbagboa bhli -kɛ -lɔ.

'Anye, -wa -noɔ 'nyakpanyɛnyea 'waa -wɛ, 'a 'na "nyɛ 'se 'anyɛɛ yua -li 'na "namanɔ ne. Zaa 'ɛ "kɛ -la zi 'a To -ɔ -ko "nɔgɔ "me -wɛ 'ɔɔ -ka bhɔ -wa zlɔ -wɛ -bɛɛ' 'na -bɛɛ' "nyɛ?

Zezu nɛɛ: «'A te 'alua gbobhlele- -se Lagɔ te -kɛ 'anye gbobhlele- -me zɛ. "Naa-, -see 'a 'bhlele 'alua gbo -wɛ, sɔbhɔ 'ye 'wa "kɛ 'ce -lɔ 'anye gbo bhlele- -me. "Ne -ye 'a wɔkɔle 'alua -nɛ "me -wɛ, 'ɛyi 'wa "kɛ 'ce -lɔ 'anye -nɛ "me 'wɔkɔle- -me.

-Mɔ, 'nyɔkpɔ 'na -ɔ 'no 'na weli, "ne 'ɔ "ne "zo 'plome -wɛ, 'ɔ -ko sɛgbɛɛ 'nyɔkpɔ 'na -ɔ "ne "nɛ-, "ne -ɔ 'sɔbhɔle- 'ɔnɛɛ -bhudu -ylomɛ "me.

Sɔɔbɛɛza -e wolo bhɔ -e "nɔwli 'na 'yli "me 'na -didi -bhueyi "ku? "Ne, -e "ne bhɔ -gbɔpo -ɛ -kesiale -eyi 'yli "me -wɛ 'yli -gɛ?» Sɔɔbɛɛza -e bhulɛle bhɔ -e "nɔwli nɛɛ: «'Tale- -ame 'yi -se 'e "kɛ -didi -bhueyi -ɛ 'pe- -eyi 'yli "me -wɛ "bhle -sɛ, "ne -dɔgbɔlo -kesiale -kɛ -neɛ' mɔ!»

«'A 'luɔle- -kɛ "guɔkwɔmenya -gbeyia "ku! 'Wa -pla -kɛ wliaku "me "ne 'wa yile -kɛ -lɔ 'anye lo. -Mɔ, 'wanɛɛ 'mene -ko -kɛ sɛgbɛɛ 'slukua. Zaa, 'wanɛɛ nonoli kɔ 'ye 'a "koa -kɛ -lɔ yibhlele-. 'Wa yi bhɔ ylɛzɛ 'kpɛcɛ 'yli -sɛ 'a? "Ne 'wa yi bhɔ fige 'wiɛsu 'yli -sɛ 'a?

Sɔbhɔ 'ye su "namanɔ, bhi "namanɔ 'ye 'ɛ tlo -lɔ, "ne su 'na "nyɛnye 'bhinyɛnye 'ye 'ɛ tlo -lɔ.

Su "namanɔ ne 'bhɛle- "ne 'ɛ "kɛ 'bhinyɛnye tlo, "ne su 'na "nyɛnye ne 'bhɛle- "ne 'ɛ "kɛ bhi "namanɔ tlo.

-Mɔ, su 'na -ɛ tlo bhi 'na "nyɛnye -wɛ, "guɔ 'wa 'di -lɔ "ne 'wa 'pɛ -lɔ -kosu "me.