Populiarios Biblijos eilutės iš Génesis 24

Dalintis

Te lic sc'opan Muc'ul Dios: “Muc'ul Dios, vo'ot Diosot yu'un li cajval Abrahame, coltaun. Ac'o lecuc batuc cu'un li c'usi tal jpase. Ac'o ta ilel slequil avo'nton ta stojol li cajvale.

Me oy jun tseb jech chcalbee: ‘Avocoluc yaleso aq'uib yu'un ta jc'an jlec'uc ava'al cuch'’, me xcute. Ti me jech chistac'bune: ‘Li' oye, uch'an; ta xcac'be yuch'ic ec li acamellotaque’, me xiyutune, jech ta jna' o ti ja' t'ujbil avu'un yu'un ta xic' li avajtunel Isaaque. Jech ta jna' o ti ta melel c'ux ta avo'nton li cajvale”, xi la sc'opan Dios.

Li Isaaque laj yic' batel li Rebecae. Te ibatic yo' bu oy scarpana li anima sme'e, ja' li Sarae. Jech te laj yic' sbaic o. Li Isaaque lec la sc'an sbaic xchi'uc li Rebecae, jech te ich'ay ta yo'nton sna'el li anima sme'e.

Laj yalbeic ti ac'o ac'batuc li Rebecae, jech laj yalbeic: “Li vo'ote, tseb, ac'o c'otuc ta pasel ti ep ta millón chbat avalabe. Li ayal'alabtaque ac'o vu'uc yu'unic stsalel li yajcontraique”, xutic.

Albun ta jamal ta stojol Muc'ul Dios, ja' ti la spas vinajel banamile, ti muc li'uc xasa'be yajnil li jnich'on Isaac li' ta Canaán banamil yo' bu nacalune. Ta jc'an te chabat ta jlumal yo' bu oy li cuts' calaltaque, yu'un ja' te chbat asa'bun tal junuc tseb sventa ta xic' li Isaaque —xi.