Populiarios Biblijos eilutės iš మత్తయ్ 5

Dalintis

ఎరి మన్కకెర్ దీవే తర్పుత్ అదున్ కొనొడత్ ఇడుర్ గని ఆ ఎల్లత్ అనెకర్ సదరుంఙ్ వెలుంఙ్ సియెంఙ్ ఇసా క్కొనొడ పొయ్ ఇడ్సర్. అనాయ్, మన్కకెర్ ఇమ్మె మన్కకెర్ ముండట్ ఇమ్మె వెల్ఙు తరియెకద్ కన్కెరెంఙ్ పాజె ఇసా సోయ్త పనికున్ ఓలుత్న పరలోకముత్ అనెక ఇమ్మె బానెత్ స్తుతి కలెంఙ్.

నీర్ దున్యత్ తరుంఙ్ వెల్ఙులాఙ్ అన్సాంతిర్. మెట్పొల ఊరున్ డాపెంఙ్ వారెద్.

మన్ సాపనేకార్‍ దన్యుల్ అన్సాంతిర్. తానుంఙ్ ఇంతె ఔర్ దెయ్యమున్ ఓల్‍దర్.

నీతి కలెంఙిసా దండి ఆసనాడ్ అనెకార్‍ దన్యుల్‍ అన్సాంతిర్. తానుంఙ్ ఇంతె ఔర్ దనియ్‍దర్.

గని అన్ ఇండి ఇడ్డెకాద్ తనెదింతె, ఇమ్మె దుస్మడ్లున్ ప్రేమ్ కలుర్ ఇమున్ విరోద్ కలెకరుంఙ్ సటీ పార్తన కలుర్

ఆత్మ లోప గరీబున్ కరిపెకద్ అముదు దన్యుల్ అన్సాంతిర్. తానుంఙ్ ఇంతె పరలోక రాజ్యం ఔరెతి అన్సాద్.

సమాదాన్ కలెకర్ దన్యుల్‍ అన్సార్. తానుంఙ్ ఇంతె ఔర్ దెయ్యమ్నె పోరకేర్ ఎద్దర్.

దుక్క పడేకార్ దన్యుల్ అన్సాంతిర్. తానుంఙ్ ఇంతె దెయ్యం ఔరున్ ఆదారెర్సంద్.

నీతి ఆస పూర కలెకారుంఙ్ తక్లిబ్ వాత్తె అముదు సోయ్‍కలెకాంద్ దన్యుడు. తానుంఙ్ ఇంతె పరలోక రాజ్యం కలెక ఔరెతి అన్సాంద్.

కివ్ కలెకర్ దన్యుల్ అన్సాంతిర్. తనుంఙ్ ఇంతె దెయ్యమున్ వాలడ్ ఔరుంఙ్ కివ్ రొంబాడద్.

నీర్ అన్ వెంటతర్ ఎత్న మన్కకెర్ ఇమున్ బద్నాం ముడుత్, తక్లిబ్ సియ్యుత్, విరోద్ కత్ లబాడ్ పురవ ఇడుత్ బద్నం కత్తెరింతె, నీర్ దన్యుల్ అన్సాంతిర్. అప్పుడ్ కుసినడ్ అనంద్ కలుర్! గులెనా కుసీంఙ్ వార్ తానుంఙ్ ఇంతె పరలోకముత్ ఇముంఙ్ దండి ఇనామ్ రొంబడ్సాద్. అనాయ్ పేలెతర్ ప్రవక్తకేరున్ నాయ్ మన్కకెర్‍ అనాయ్‍ తక్లిబ్ సియెతేర్ తా.

సాంతి నడానెకార్ దన్యుల్ అన్సాంతిర్. తానుంఙ్ ఇంతె దెయ్యం కాబులి కత్త బూమిన్ ఔరెత్ ఎరద్.

నీర్ బూమి తరుంఙ్ సుప్‍లంఙ్ అన్సాంతిర్ గని సుప్నెసుప్పె సెదిన్ ఇంతె, ఎనంఙ్ సుప్పె కలాతిర్? అద్దడ్ తనయ్ పైదహ తోతెద్. అంటదున్ వాక జొపిడ్‍దర్. మల్ల మన్కకెర్ గెట్టలడ్‍ విద్గెంఙ్ దెకుల్ పని పడెద్.

పరలొకముత్ అనెకా ఇమ్మె బాంద్ సోయ్తంద్ నీర్‍ నాయ్ అమ్లంఙ్ అనెంఙ్.

నీర్ అనాయిసా ఇంతిరింతె అయ్ తోదిసా ఇందతి‍త్తె తోద్. ఇంతెతి, అనాంఙ్ అన్సె టాండె సైతానుంఙ్ కలైది.

కంనుఙ్ బదోల్ కంన్ పుసెకాద్ పల్లుంఙ్ బదోల్ పల్లు పుసెకాద్ ఇసా ఇడ్తదున్ నీర్ వింతిర్ తా. గని అన్ ఇడ్డెకాద్ తన్నెద్ ఇంతె దుస్మన్‍లున్ ఇల్పెకాదుంఙ్ కోసీద్ కన్నెర్. ఇమున్ ఎరేనా ఉన్న చెంపన్ లగప్తె ఎడమ పకతా చెంపనాయ్ అమ్నుంఙ్ ఓలిపుర్.

ఇన్నె ఉన్న కన్‍ ఇన్‍ పాప్ కాల్లెంఙ్ ఇట్టినింతె, అదున్ పుసుత్ జొపిడ్. కారన్ న్యాయ్ సబా ఇన్నె పూర సరీర్ నరకముత్ జొపిడెకదుంఙ్ ఎన ఇన్నె మేన్త ఒక్కొ అవయున్ నాస్ ఎరెకద్ సోయ్. అని ఇన్నె ఉన్నా కెయ్య పాప్ కల్సదెరతె, అదున్ పుసుత్ జొపిడ్. కారన్ న్యాయ్ సబా ఇన్నె పూర సరీర్ నరకముత్ జొపిడెకదుంఙ్ ఎన ఇన్నె మెన్‍త ఒక్కొ అవయ్ నాస్ ఎరెకద్ సోయ్.