Populiarios Biblijos eilutės iš ယောဟန် 12

Dalintis

ငါ့မှုတော်ဟှို လောက်ဆောန်ဟှူ လူတိုင်းဟှာ ငါ့နော့‑က်ဟှို လိုက်ရမယ်။ အယ်ဆိုဟှာ ငါရှိဟှူ နေရာမာ ငါ့မှုဆောန်ဟှာ ငါ့နတူးဒူရှိ လေ့မယ်။ ငါ့ဖဟှလည်း ငါ့ရဲ့ မှုဆောန်ဟှို ချီးမြှော့‑က်လေ့မယ်။

ကိုယ့်သတ်ဟှို ရှစ်ဟှူ လူလေဟှာ သတ်ဆောင်းရှောင်း လေ့မယ်။ အယ်လောကမာ ကိုယ့်သတ်ဟှို မူးဟှူ လူလေဟှာ ကိုယ့်သတ်ဟှို ထာဝရ စောန့်ရှော့‑က်ရ လေ့မယ်။

နန်းနို့ဟှို ငါ မှန်တိုင်းပြောမယ်၊ ဂျောင်စေ့တစေ့ဟှာ မ္လေဂီးထဲဟှို က္လဘီး ပျစ်စီးဟှ ဆိုဟှာ တစေ့ဒဲဘဲ ရှိနေလေ့မယ်။ အယ်စေ့ဟှာ ပျစ်စီးဟှားမယ် ဆိုဟှာ သီးလေ ဘောင်ဂီး ဖြစ်ဟှားဟှယ်။

ငါဟှာ လန်းရောန်ဖြစ်န လောကထဲဟှို ကြွလာဟှယ်။ အယ်ကြောန့် ငါ့ဟှို ယောင်ကြည်ဟှူ လူတိုင်းဟှာ မှောန်ထဲမာ နေရ မှုဟှ။

လူလေဟှာ ငါ့ရဲ့စကားဟှို ကြားဘီး နာခံဟှ ဆိုဟှာ သူးနို့ဟှို ငါစီရင်လေ့မယ် မှုဟှ။ ဖြားဖြစ်ကြောန့်နူးဆိုဟှာ ငါလာဇာဟှ အယ်လောကဟှို စီရင်ဟှို့လာဇာ မှုဟှ။ အယ်လောကဟှို ကယ်တန်ဟှို့လာဟှယ်။

အယ်ခီမာ မာရိဟှာ ရာရတိုင်း ဖိုးကီးဟှူ နာဒုဆီမွှီးစစ်စစ် ဖူးဝပ်ဟှို ယူဘီး ယေရှုရဲ့ ခေတော်ထတ်ဟှို လောန်းခ္လဘီးန သူ့ရဲ့ ဆားဗန်န သုပေးလေဟှယ်။ အယ်ဆီမွှီးရဲ့ နံ့ဟှာ တအီလောင်းဟှို မွှီးကြိုင်ဟှားလေဟှယ်။

အယ်ကြောန့် သူးနို့ဟှာ စွန်ပလွံခတ်လေဟှို ယူဘီး ကိုယ်တော့်ဟှို ကြိုဆိုဟှို့သွားဂေ့ဘီး “ဟောရှဏ္ဏ! ဘုရားသခင်ရဲ့ နာမန ကြွလာဟှူ သခင်ဟှာ မင်္ဂလာရှိတော်မူဟှယ်! ဣသရေလမန်းဂီးဟှာ မင်္ဂလာရှိတော်မူဟှယ်!” ဆိုဘီး ကြွေးကြော်ဂေ့လေဟှယ်။

ယေရှုဟှာ သူးနို့ဟှို “လူ့ရဲ့သားဟှာ ရရာတိုင်း ကီးမားဟှူ ဖောင်းသရေတော်ဟှို လတ်ခံဟှို့ ခီဟှာ ခုဘဲ့ရော့‑က်နေဘီ။