Populiarios Biblijos eilutės iš Luki 17

Dalintis

Niŋ kɔɔtɛ Yesu i ǹʼbi shuru ka tɛ : « Jɔrɔkɔ, ŋi i tiri, mɔɔn bilinabi ki nʼmwu-i. »

A ntiŋ pɔli miŋ gbɛ, hali kaan jɔnpɔni sunŋ ki ru, a ntiŋ na miŋ tɛ ǹʼfɔn tenŋ tenŋ ki ra, ntiŋ i na ǹʼbi : ‹ Míŋ ntɔri bi-i ńʼwɔ bi mamaan ki ra, ǹʼtu ńʼtɛ ›, ǹʼtu ntiŋ tɛ. »

Kí ru koŋ tenŋ ǹʼja-i tu afinŋ kene waarinŋ wɔ̀ ru, niŋ pwulula ki i na Yesu tɛ. Niŋ i tu baraka bi-a Kirinŋ tɛ a sɔbɛ ra. Nʼso-i Yesu tɛ waarinŋ wɔ̀ ru, ŋi i ta nʼkwushiri ntiŋ fɛ, ŋi i nʼɲaanfɛ ki da fwuniŋ sun, ŋi i baraka bi ntiŋ tɛ. Niŋ koŋ ki wuru Samaritɔnŋ i.

Á á ɲakili tu á yɛri ra, á i á yɛri paka shɔ. A miŋ tindaŋ ki pɔli miŋ gbɛ, jɛbi ǹʼgbɛ. A ntiŋ ja awɔ pɔli ki tɔ, ntiŋ i a pwulu, ntiŋ wɔ pɔli ki tu ntiŋ tɛ.

Niŋ ki ra, Yesu tu : « Míŋ tu koŋ byinŋ ki bataa kene kì wa? Koŋ teenpɔni pyɛ ki ji?

Ŋuntiŋ ki tu kí tɛ : « Hali ábɔɔ bilinabi ki gbɛka ki ji wuru fiŋ daŋ po-ri, ábɛɛ wuru-ra so ǹʼbi-i jirinŋ ka tɛ tu ǹʼfa a kanaŋ ki cɛn po, ŋì i ta a yɛri ye wɛɛlufinju ki ru, ǹʼwuru a tu ábɔɔ wulu ki ra ncinŋ. »

Niŋ shikaŋ, konwɔtiŋ a na ji ǹʼtɛ a i a ɲinita ki mwu, nintiŋ a bɔni ǹʼnu. Nka nwɔ̀tiŋ a na bɔni a ɲinita ki ru, nintiŋ a ǹʼkila.

Yesu tu awɔ kalindaŋ kiri tɛ : « Sɛli yɛ, bi ri i nmaŋ, nwɔ̀ri i konaŋ curu bo-a bijɛ ma ki sun, nka koŋ wɔ̀ i niŋ bi kiri sababu ki i, bɔni ki i nintiŋ wɔ. Koŋ woo koŋ i ji-a sababu, ntiŋ i ka tiraŋ ka bɛɛ tenŋ ŋununli, ntiŋ i ǹʼfɔni, sana ntiŋ i niŋ ma, a kí kwɔtuntuŋ sinaŋ kɔli-li ntiŋ yɛɛra, kí i ta ntiŋ kee bo wɛɛlufinju ki ru, niŋ wuru-ra pari ntiŋ sun.

Bi wɔ̀ri ma-i Nawu wɔ sunŋ ki ra, nini bishi kiri ra na ma Koŋ Danshuru ki na jibi kiri ra. Konaŋ kiri tu wuru nufinŋ nu ki ra, niŋ fa mwunufinŋ mwunu ki fa cɛn tan kiri ra, fɔ ŋì i ta so Nawu de jibi ki sun kwurinŋ sinaŋ ki ru, judali sinaŋ ki i kila, ŋì i na finŋ kiri bataa haliki.