Populiarios Biblijos eilutės iš Yuhana 6

Dalintis

Yesu i kí rupwulu tu : « Míŋ i nufinŋ i, nwɔ̀ i ɲaninkulutɔnbi ki wɔri-ra. A nwɔ̀tiŋ na míŋ tɛ, bɛɛ ra nintiŋ pa kili kì, a nwɔ̀ bili míŋ na, jumwunu na nintiŋ pa fɛsɛfɛsɛ kili kì. »

Ɲini ki i ɲaninkulutɔnbi ki wɔri-ra, konanmini so-a bi dantenŋ na niŋ nu kì. Míŋ wulu wɔ̀ri bi-i ábɛɛ tɛ, nini i Ɲini fa ɲaninkulutɔnbi i.

Nufinŋ wɔ̀ i gbɛ-a, á fa baara ma niŋ cɛfan kì, nka nufinŋ wɔ̀ gbɛ-a kì, ŋì i cin-ni koŋ nu, fɔ ŋì i ta so ɲaninkulutɔnbi kɔbali ki sun, á baara ki ma niŋ cɛfan. Nwɔ̀ ji-i Koŋ Danshuru u, ninki i niŋ nufinŋ ki wɔri-ra ábɛɛ tɛ, sabu Tiŋ Kirinŋ awɔ faan ki taanshɛ ki bili-i niŋ sun. »

Aawe, míŋ Tiŋ ki dintɛ bi ki i tu, koŋ finŋ woo finŋ Danshuru ki ja, ntiŋ i bili ǹʼna, tu nintiŋ ɲaninkulutɔnbi kɔbali ki kila, míŋ i ji-a ntiŋ ŋmɛni jibi rakɔɔra ki ru. »

Yesu i kí rupwulu tu : « Kirinŋ dintɛ bi ki i tu afinŋ Kirinŋ koŋ wɔ̀ cin-i, tu á bili niŋ na. »

Míŋ Tiŋ ki i koŋ woo koŋ wɔri-ra míŋ tɛ, ǹʼbataa ra na míŋ tɛ, koŋ finŋ woo finŋ na míŋ tɛ, míŋ a ǹʼtɔri tenŋ kalikali po taanna kì.

Nka Simɔŋ wɔ̀ wuru dɔri-ra tu Pyɛɛri, niŋ i ntiŋ nupwulu tu : « Ŋuntiŋ, yibɛɛ faa-ra ta nkɛnŋ tɛ? Ɲaninkulutɔnbi kɔbali wulu kiri i ábɛɛ gbɛ.

Míŋ i nufinŋ ɲaninkulutɔnŋ ki i, nwɔ̀ jɛri po-i kirinpɔlila, a nwɔ̀tiŋ niŋ nufinŋ ki nu, nintiŋ ɲaninkulutɔnŋ a ji-i waarinŋ bataa ru. Míŋ a nufinŋ wɔ̀ wɔri, nwɔma juniɲa nu konaŋ kiri i ɲaninkulutɔnbi ki kila, niŋ i míŋ yɛri ki firi ki i. »

Koŋ tɔri tenŋ so-a na-i míŋ tɛ kì, duu Tiŋ wɔ̀ míŋ cin-i fɔ niŋ nwɔ̀ cɛɛn na-i, míŋ ji-a ntiŋ ŋmɛni jibi rakɔɔra ki ru.

Sabu nwɔ̀ jɛri yiri-i kirinpɔlila, ŋì i ɲaninkulutɔnbi ki wɔri-ri juniɲa nu konaŋ kiri tɛ, ninki i Kirinŋ wɔ nufinŋ wɔrimaan ki i. »

sabu, míŋ i ɲaninkulutɔnbi nufinŋ ki i.

Yesu i bwuru ŋuŋ kiri shi, ntiŋ i baraka bi Kirinŋ tɛ, yìrì i lu konaŋ sɔɔmaan ki tɛ, ntiŋ i yɛrinŋ ki fani ji mìŋ ɲaan ki tɛ. Koŋ bataa i ǹʼbɛɛ kila nu, kí i pyii. Konaŋ ki bataa pyii-i waarinŋ wɔ̀ ru, Yesu tu awɔ kalindaŋ kiri tɛ : « Á nufinŋ pyɛ ki bataa rakɔli, nwɔma ǹʼtɔri fa nuli kì. »

Kalindaŋ kiri kilo taanŋ walima taanmani kila wuru kɔ, kí i Yesu ja tiri yiri-ra ju ki sun arì cɛfan, ntiŋ i a kpari-ri kɔ́ɔ́ buŋ ki tɛ. Kɛmi sinaŋ i de kí ru. Nka Yesu tu kí tɛ : «  MÍŊ YƐ, á fa kɛni kì. »