Populiarios Biblijos eilutės iš Yuhana 10

Dalintis

Kwunŋ ki na-a finŋ tɔri tenŋ cɛfan, kwunbi fa kilɛnmaanna niŋ fa li tanmaanna ciniŋ kì. Nka míŋ na-i, nwɔma konaŋ kiri i ɲaninkulutɔnbi ki kila, kí i ǹʼjiisan.

Mínki i saa faa shɔɔrinŋ ki i. Saa faa shɔɔrinŋ ki i a ɲini ki wɔri-ra awɔ saa kiri bira.

Mɔ́ɔ́n saa kiri i arì tɔɔnye-a míŋ wulu ki tɛ, míŋ i yìrì tɔ-ri, niŋ fa yìrì i ǹʼpa-ri míŋ cɛfan.

Niŋ ɲaan ki tɛ, míŋ i ɲaninkulutɔnbi kɔbali ki wɔri-ra yìrì tɛ. Yìrì ra haliki fɛsɛfɛsɛ kì, koŋ tɔri ra so yìrì mwu san-i míŋ wu kì.

Mínki ki i demantɔnŋ ki i, konwɔtiŋ de míŋ na, nintiŋ a a mwu. Nintiŋ a de-ri, ntiŋ i po-ri, ntiŋ i ji-a a tɔnnafɛ nufinŋ ki kila.

Mínki i saa faa shɔɔrinŋ ki i, míŋ i ńʼwɔ saa kiri tɔ-a, yìrì i míŋ tɔ-ri.

Míŋ Tiŋ Kirinŋ wɔ̀ yìrì wɔri-i míŋ tɛ, kíbɛɛ gbɛ-i finŋ bataa wu. Koŋ i nmaŋ, nwɔ̀tiŋ a so yìrì mwu san-i míŋ Tiŋ ki gbɛfɛ kì. Míŋ fa ńʼTiŋ ki i koŋ tenŋ i. »

Tiŋ Kirinŋ i míŋ tɔ-a, míŋ yɛrima ki i Tiŋ Kirinŋ tɔ-ri. Míŋ i ńʼwɔ saa kiri tɔ-a mìŋ ɲaan ki tɛ, ŋí i ńʼɲini ki wɔri-ri yìrì bira.

Koŋ tɔri tenŋ so-a míŋ ɲini ki mwu-i kì, nka mínki yɛrima ki i ǹʼwɔri-ra, sabu so i míŋ gbɛ, ŋí i ńʼɲini ki wɔri, niŋ fa ŋí i ńʼpwulu, ŋí i ǹʼmwu. Míŋ nwɔ̀ kila-i Tiŋ ki gbɛ, niŋ i niŋ i. »

Yesu i ǹʼbi kí tɛ sɛbɛ : « Sɛli sɛli ki ra, míŋ a ǹʼbi ábɛɛ tɛ, ńʼtu mínki saa fu ki tɔnŋ ki i.

Nka konwɔtiŋ saa faa i kì, saa kiri tiŋ dumiŋ i kì, ntiŋ i saa kiri nee-ri sali la, niŋ saa faa sɔbɛ kì. A niŋ kpalinŋ ki naanna ja, ntiŋ i bili-la, ntiŋ i saa kiri tu nmaŋ. Kpalinŋ ki i na-a saa kiri bɛɛ ri pa, ǹʼpyɛ kiri i jeɲe.

Yesu i ǹʼbi kí tɛ tu : « Sɛli ki ra, míŋ a ǹʼbi ábɛɛ tɛ, ńʼtu konwɔtiŋ i de-a saa fu ki tɔnŋ ki ra kì, fɔ ntiŋ i tunpa-ri ǹʼkwɔ ki sun, ńʼtu nintiŋ i kwunŋ i, niŋ fa fɛɛn ǹʼsuntɔnŋ i.