Populiarios Biblijos eilutės iš yuhanna 14

Dalintis

nyi kwɔŋazi ṯaci ŋiɽena lu; mba, ŋinyi ŋiri ṯa ŋeŋazi ṯaci lu. ner ere orɔ kaka ŋeṯiŋazi ṯurmun inḏeḏa mac, ŋa ŋinḏeḏaŋazi. eṯere pini rugwor-na mac; eṯizi ere efrici eḏi ṯenye tɔk mac.

na Yecu eca ŋwu: nyi kwiri pa tay, na ŋirlalu, na ŋimiiḏa tɔk. kwizi kwiti kwere kwele nanu gwu Papa tay ṯi ṯir ter mac, nenyi orɔ ṯuɽuk.

eṯere pini rugwori-na mac; eṯalliḏa Allah rugwori nana; etalliḏa nyuŋwu rugwori nana tɔk.

na ṯa ŋgwa kweni Kwumeca, kwir Ṯigɽim tirlinelu ter, kwɔŋazi Papa uziza yiriny yi yinyi, kwunde kwiri kwɔŋazi ilŋiiḏini ŋiɽaŋali tatap, kwɔŋazi ṯiŋayini tɔk ŋimɔŋazi andaci.

kwere kweḏi amra winyi, mindaŋ muŋw miḏa tɔk, kwunderṯa kweṯinyamɽi; na kweṯinyamɽi, a Papa kwinyi amɽi tɔk; mindaŋ enyamɽi ŋunduŋwu, enyi ruweci ŋunduŋwu rɔgwɽɔ lu rinyi tɔk.

nyi kwara Papaŋw ŋwal ŋwere, mindaŋ kwɔ ŋazi inḏeḏa Kwumeca kwuḏaḏu eḏi ma dirnaṯi daŋgal-na, ŋwu gwu nanniḏa dɔk; kwir keni Ṯigɽim ṯeḏi ŋirlalu, titi ṯeḏi kla leḏi ṯurmun ŋuma eḏafi mac, kaka iti izar gwu mac, ṯimḏir gwu tɔk. ṯilŋiidi ŋaŋa, kaka muŋw gwu nanni ŋaŋa li, ŋwu nanni daŋgal-na tɔk.

na kwɔmne kwere kwu gi uṯalu yiriny yi yinyi, nyi ta erri, eḏi Papa niina-na ŋiɽaŋal ŋi ŋeḏi Tiɽŋeyin. mer nyi uṯizelu ŋaŋa kwɔmne gi kwere yiriny yi yinyi, nyi ta erri.

mer nyi amɽi ta, er nyi miḏici amra winyi.

ki duənu kweḏi Papa kwinyi, na ezir nani witezir weḏi gwu nanni; eŋgir ere orɔ ŋwu mac, eŋgi ŋazi ta andaci, nyi kwele eḏəgizi ŋaŋwuzi ezir.

menyi ele eḏəgizi ŋaŋwuzi ezir ta, enyi ma aɽa, ŋazi mulɔ nani nyi gwu. taŋwu, kezir wenyi gwu nanni, a gwu ta nanni ŋaŋa tɔk.

na tuma eca ŋwu: Kweleny, nyiŋa lende lilŋiiḏi ezir wɔ gwu ilaḏa, ta nyi ma elŋece tay ezir aŋgwuru?