Populiarios Biblijos eilutės iš João 7

Dalintis

Win ne ca xirao' pe xine capijacon Iri' Jam ca': Wari' co howa napa', weweweo qui' ac nein ximicon tara ca hoi hoi ne com ca mi' nain ca e' cara wa ta na ca xirao' pe nein na ca tomi' tococwa ma'.

Xec nein ca pi' pin ta' ne ca tomi' querec te nuxut ma', awi tamana na, awi tiquin' ca' nain oro xijein xec nein ca tomi' querec te nuxut. Maqui' iri na iri' xec nein ne, tequi' pe ac ca na Jeju. Tomi' ac ca na, tomi' mip na: Wari' co jain jain nain com ca mi' nain ca e' wa pain pawin cain, hwet ac capa' tara, mi' ac ton pain tara ta.

Tomi' mi' nain Tamataracon Iri' Jam ca mi' xun tococwa co howa nonon ma'. Om ca mi' querec tococwa pain, xi mi' pin querec ca Jeju ta. Om ca e' mami' querec ca, om ca in hwet querec con Cote ca, om ca taramaxicon wi querec con pain pawin quem.

Je ca tomi' xuhu' ca' ac tococwa na. Om ca na ne pain ca coromicat mi' hun pain ca caracat wa wari' ma', pain ca om tomi' querec cain' hun pain carawa ca ara ca ma'. Na e' na pain ca tomi' querec cain' hun, coromicat xo' cain' je, tomi' xo' ac hun tara quem na ca tomi' tococwa ma'.

Wari' co pijim' e' nain ca coromicat pan nucun ma', param e' tata oro win ma' ca pain ca in ac pan cocon ma'. Wata' iri na ne, param inonon oro win ma' ne pain ca in ac pan cocon Iri' Jam co pijim' ra napa'. Iri'o' na oro ca tomi' ne quem. Om ca mixein camain' ta'.

Tomi' ac tococwa na: Oro ca pijim' ne ca', pain ca ca' na toton pain capijacon Iri' Jam oro wari' cwa', om ca maqui' pan capa'. Maqui' non Iri' Jam co hwet roron oro wari' ta napa' pane.

Om paxi' na ca noc cucuhu' oro wari' co om tomi' ha' nonon Iri' Jam. Ane noc cacapa' ne. Xi om ne ca pan to' ara tain taraxicocon pain ca pan teretem nucucun ta.