Populiarios Biblijos eilutės iš João 4

Dalintis

Om ca wari' ca Iri' Jam. Iri' Jam na. Je ca na e' ne pain ca mi' capari' pain ca in ac xo' xin Tamataracon. Na e' na pain ca mi' capari' pain ca in ac xo' xun pain ca querec pin' iri'o' xun quem na ca tomi' cam ma'.

Ame ma e', main maqui' tara xec nein ca in ac xo' cocon Cotere' Iri' Jam oro wari'. Je Tamataracon tara ca mi' nonon pain. Mi' totoron pain ca in ac xo' cocon pain ca querec pin' iri'o' cocon quem. Wara maqui' pin na xec nein ca in ac ac i ma' cocon quem. Oro wari' co in ac ac i ma' nonon ma', wiricoco co param pan ca Cotere' Iri' Jam pain ca in ac tatarapa' ta cocon ma'.

Wari' co toc nain com ca mi' ta' ta' ca' iri na ne, om ta toc ta' com mami' ca. Com ca mi' ta' ta' ca', an xiho' nain ca hoi hoi ne com ca weweweo cara ma'. Weweweo pe tarain ximicon wari' co howa napa'. To' e' cara ac con tara, mi' ac tocwa tara pain ca pe ho' cara con Iri' Jam pain pawin quem na ca tomi' cam ma'.

Om na, mo xi querec pin' main carawa ca mi' xim quem Iri' Jam ca', mo xi querec pin' mapa' pain ca cam mi' ne pain com xim ca' quem, cam mi' ne pain com pan ac mapa' xira, mi' ac xim xira pain iri' com ca to' e' cara nain ca wari' wa ta ac cam na.

Tomi' ac caparut na: Ac carawa ca cao' wa napa' ca tomi' ha' ton Te co hwet roron oro wari' ta napa' pane. Ac carawa ca cao' wa napa' ca ara ara pi' pin tain ca taramaja ne ca ara ra capa' pane.

Cain' cain' xima quem ac con na. Xi xopain ara ne manain com ca'. Om nem too ca mam' cam main quem. Cain' xi cam ac main com ca to' e' cara nain ca wari' wa ma' quem?

Tomi' ac cama na: Maqui' ta' tara iri' taramaxicon co Messias urut, wirico Cristo ta. Main maqui' ta' tara, taxi' inon. Maqui' iri tara ne, tomi' xo' tomi' xo' pi' pin ac caparut tara pain oro ca param nucun Iri' Jam ac con na. Je ca tomi' xim ca' ac cam na: Wata' ta, pain ca tomi' xim ca', wata' co Messias cwa' na ca tomi' cam ma'.

Harahap je. Querec jun wari' co tomi' hwet tomi' hwet pi' pin napa' pain oro carawa ca ara ta' pane. Om ta wirico ca co Messias ra na ca tomi' tococwa oro wari' ma'.