Populiarios Biblijos eilutės iš João 13

Dalintis

Je i ca' xocori ca tomi' ne ca tomi' ha' je xuhu' ca' ac caparut na. Ta noc camain' xujuhu' me ta. Win ne ca om noc camain' xuhu' ca', ac i ma' tara ca om noc camain' xujuhu' quem. Mo ta om noc camain' xujuhu', querec pin' querec pin' pi' pin ac cucuhu' tara oro wari' pain ca taxipa' mahu' ma' na ca tomi' caparut ma'.

Je ca tomi' xuhu' ca' ac caparut na. Noro xine. Taramaxicon pe ho' paxi' inuhu'. Ca' na paxi' inuhu' pain capijacon Te quem. Ane om xec xec ta' ne. Xiram pa' inuhu'. Quep xiho' inuhu'. An hwet mi' inuhu' pain ca om noc xuhu' pain ca hohoc tain caximahu' ca' ne. Je ca na e' ne pain ca an xiho' mahu' pain ca om xec xec ne ca' quem. Quep xiho' xujuhu', am hohoc mi' xujuhu' pain caximahu' ma' quem. Win ta' ca', ac i ma' tara ca ara mi' xujuhu' quem.

Om paxi' na ca taraju pa' ma pain carawa ca ara ta' pain xocori ca' Simão Pedro ac con na. Ame ma e', main taraju pa' ra ta non.

Je ca tomi' xuhu' ca', tomi' iri'o' inuhu': Om ca hwara' opa tiquin' ca' mahu' pain ca taramaja mi' mahu' ma'. Win ca wari' co taramaja mi' e' non taramaxicon nucun ma', om ca hwara' opa tiquin' ca' con taramaxicon nucun. Win ca wari' co an xin tiquin' nain ca tomi' nucun wari' co tomi' hwet rain ta non ma' quem, om ca hwara' opa tiquin' ca' con co tomi' hwet rain ta non quem.

Je ca tomi' xuhu' ca', taraju pa' pin hwein ca tomi' xuhu' ca': Mo ta tomi' ha' mahu', param mi' ac cuhu' tara pain ca awi wa Te Iri' Jam ta na ca tomi' caparut.

Je ca tequi' pe ca ma'. Hot ac con na iri' curucun womicon, an ac con na toalha, tucu pan ac xucun na pain ximijacon. Hohoc tain caximahu' ta ac caparut na pain ca taxipa' urut con ca'. Ji'ao mi' nain com pain bacia, hohoc ac cain na caximaxut, xic pin ac cocon na con toalha co tucu pan xucun pain ximijacon.