Populiarios Biblijos eilutės iš João 10

Dalintis

Caxicon wari' ma', om ca maqui' ximao ca. Maqui' e' na pain ca an noc xa tain cain oro ovelha. Maqui' e' na pain ca to' pa' pin tain cain. Maqui' e' na pain ca to' om pin tain cain quem. Ac i ma' nana co pijim' ni ca' nonon pain capijacon Iri' Jam oro wari' ne quem. Wata' iri na ne, maqui' ina, ma' ta e' cara caca oro wari' ne pain pawin ta inonon. Maqui' ina, ma' ta ma' ma' xam' cocon oro carawa ca mi' toton ta' pain ca to' e' cara toton quem inonon.

Wata' co iri' pastor co querec wet xo' nain ovelha. Iri' pastor ma', om ca nain ho' xucun pain ca querec wet xo' cain ovelha nucun. Mi' pin caho' tain ovelha ne ta na. Ac i ma' ina quem. Om ca nain ho' xije cocon oro wari' co howa nanapa' ma'. Mi' pin caho' toton inonon.

Win ne oro ovelha ca taraju wet nain ca tomi' nucun co querec wet nain ma', ac i ma' na ca taraju wet cacain ca tomi' ne oro wari' ne ma' quem. Querec pin' inonon, ja' ja' ac cacapa' na quem.

Mi' inonon pain ca e' cara wa. Om ta pan' ara'am camain' caca. Quep xat cara inonon, om na wari' co coc xicot ca' ac napa' cocon.

Wata' co iri' man ca corom ac wa ca'. Oro wari' co corom ac nanapa' pain ca howa cacapa' ma', witan ac caca tara. Win ne ovelha ma'. Corom na, hwet mao ac ne na, mam' ac nein na tononoin. Ac i ma' tara ca querec wet toton co howa nanapa' ta.

Wata' co iri' pastor. Querec pin' inonon oro wari' ne, querec pin' nanapa' quem.

Te ma', co mi' napa' cocon, hwara' opa na. Om na win hwara' opa ca. Om na wari' co coc xicot ca' ac nonon pain micon. Wata', Te, ca' urut, win cwere xujuxut. Ac ca xica' pe ne na xumuxut ta na ca tomi' tococwa ma'.

Win ne ca querec pin' capa' Te cwa', querec pin' inon quem. Om ca nain ho' xije pain ca querec wet toton oro wari' ne quem. Mi' pin caho' toton ta inonon.

Om na wari' co ha' non pain ca to' pa' pin ton pan capa' ta. Mi' pin ta' pan ina, maqui' nain ca param ne. Na napa' pain ca mi' pin ta', na napa' pain ca e' mami' ta' quem. Je ara xi' na ca ara ra capa' Te ta na ca tomi' tococwa ma'.

Tomi' mami' ac tococwa na: Je ca tomi' xuhu' ca', tomi' iri'o' inuhu' ta. Wata' co iri' man ca corom ac ne ovelha ma', pain ca corom ac nein ca tao' caho' nein ma'. Xi wata' ara ne co mi' nonon pain ca corom hwet wa Iri' Jam oro wari' ne ta.

Om ca ac i ma' ca wari' co taramaja mi' e' nain dinheiro pain ca querec wet taxipa' cain ovelha ma'. Xi iri' pastor ca ta. Om ca mene cain ovelha quem. Querec iri non copacao' pain ca mo hwet tain cain ne, an to pin ac cain na oro ovelha, mo mao ac ca na quem. Mo hwet ac cain ovelha na copacao' ma', quep ac cain na wirain, ja' wawaran ac cain na oro wirain ma' quem.

Tomi' ac tococwa na: Wari' co om corom ac nain manain ca tao' caho' nein ovelha ma', wari' co corom xirac ma', wirico co an noc xa ovelha ma'. Quep em' tain ta na. Tomi' iri'o' inuhu' ta.