Populiarios Biblijos eilutės iš Ap'u 1

Dalintis

Atua ivr ti a, “P'van m'ertu ipav'i m'lkd, ipanep'a sera nakd. Hin ipav'i mlinar tilau al nata, m'anh itetv eia m'a si slm, kav'i mlin na nadep' udlani m'a si udlani iharev' arna nadep'.” Laha, Atua ien m'ertu iv'i m'lkn. Iani iv'i m'lkn Atua. Ianr arv'i dui m'a tav'et.

Atua imhmah anr, laha Atua ivr anr kavr ti a, “A netm'i ipastudau kavnelnal kavlinkar nadep'. Parv'i mlin arna nadep' karv'i mlinar tilau avlak al nata, m'er m'anh udlani avtetv eia, m'a si udlani arna nadep' avsilv' kavv'el.”

Naran ap'u Atua ien p'knaran m'a nadep'.

Nadep' lera iav'i si ipamk, iv'i nut kaka uaki. M'alk iter eia arna nata. M'im'iln Atua idul eia arna nata.

Atua ivr ti a, “Nut ren ipaiak.” Laha, nut ren iak.

Laha, Atua ila si udlani iani. Pavlei, sei iani ip'as istudau. Laha, iv'i knarev', sarei m'etav'aran, iv'i lm'sei na napn.

Atua ila ti nut ren ip'as. Laha, Atua itupr pnen iv'i nut ren, pnen iv'i m'alk.

Atua ivri ml kavr ti a, “Parlei, ntu kam'i si udlani m'at nen iter a nln arna nadep' udlani, m'a nai udlani la m'at nen iter al navan ha, ipav'i suadam'i.

Atua itu naha nut ren kavr ti iv'i Napn, katu naha m'alk kavr ti iv'i Lihat. Laha, iv'i knarev' sarei m'etav'aran, iv'i napn itauamu.

Atua ivr ti a, “Nut lil ipater a p't nut na nauei katupr nauei m'a nauei.”

Nttu sera suada si dm udlani arna nadep', m'a suada m'anh udlani avtetv eia, m'a suada si udlani avharev' arna nadep' kavsilv'. Suadar ipav'i si udlani isi arna nadep'.” Laha, inap'i lera.

Atua ivr ti a, “Lait kinkin ipaiak arna liha masamas katupr ren m'a lihat kav'iv'en naran udlani, napn udlani m'a pai udlani.

Atua ivr ti a, “Nina ipasi arna nadep', sei isi m'at nen iak m'a nai navan iak la m'at nen iter a nln ha, iviviln a nai nen.” Laha, itu hin inap'i lera.

Laha, Atua ien nut lil lera katupr nauei iter a nv' nut lil lera m'a nauei iter eia nen. Laha, itu hin inap'i lera.

Laha, nina isi arna nadep', sei m'at nen iak iviviln ani, m'a nai navan iak la m'at nen iter a nln ha, iviviln a nai nen. Laha, Atua ila ti ip'as.

Atua ien lait lil iru. Tv'aln la ilil kasiv' tv'aln ha ipap'aur napn, tv'aln ipap'aur lihat. Ien msi ml aranan.

Atua ivr ti a, “Nauei udlani a nv' p'knaran ipap'lt a nut ipamk, nadep' la im'am'a ha ipama eia.” Laha, itu hin inap'i lera. Atua itu naha nadep' la im'am'a ha iv'i Nadep', katu naha nauei udlani ip'lt a nut iamk iv'i Nata. Laha, Atua ila ti ip'as.

Atua imhmah anr kavr ti a, “A netm'i ipastudau kavnelnal kavlinkar nata, m'anh apavnelnal arna nadep'.”

Atua ivr ti a, “Sei isilv' ipaiak arna nadep', iviviln a p'klr, si slm, sei iharev' arna v'atn m'a si dm na nadep', iviviln a p'klr.” Laha, itu hin inap'i lera.

Atua ivr ti a, “Nata ipalini a sei isilv', m'anh ipatetv eia na nadep' arna liha masamas.”

Atua ien si dm na nadep' iviviln a si dm lera, kan si slm iviviln a si slm lera, kan si udlani iharev' arna v'atn arna nadep', iviviln a si la iharev' ra. Laha, Atua ila ti ip'as.