Populiarios Biblijos eilutės iš Ruuka 16

Dalintis

“Omuunu omwitongeeye ku-mangʼana amatooto, niwe kaabha mwitongeeye na ku-mangʼana amanene. Omuunu akabha atari mwitongeeye ku-mangʼana amatooto, atakutura okubha mwitongeeye ku-mangʼana amanene.

Atariwo mujuuma unu kaatura okukorera bheesebhugenyi bhabhiri emirimu kw-ibhaga rimwi. Akakora kutyo, kaatura okubhiiyirirwa owumwi ˆneenda owundi, amwi ati kaagwatana na owumwi ˆnaajeera owundi. Mutakutura okukorera Nyamuwanga emirimu, muringiiyega na ebhiinu bhyemwe kw-ibhaga rimwi riyoriyo!”

Ikabha ati mutakutura okubha bheetongeeye ku-bhiinu bhya ku-kyaro kunu, omutoga ati niga kaaja okubhayaana ebhiinu ebhyenebhyene ebhya mu-rwire? Mukarema okwitongera ku-bhiinu bhya owundi, niga kaaja okubhayaana ebhiinu bhyemwe abheene?

Bhurayimu ˆnaamusubhya ati, ‘Abhamura bhaanyu bhakarema okuungwa amangʼana gayo ꞉gaakaamirwe na Musa na abharagi abhandi, omuunu atakutura okubhakongya raabhé muunu uyo arasooke mu-bhafuuye!’ ”

“Omurume akataana na omugasi waaye, ˆnaagabhura omugasi owundi, kaataara ameega. Na omugasi woone akataama, kimwi omuunu ˆnaamugabhura, omuunu uyo kaataara ameega.”