Populiarios Biblijos eilutės iš Yowana 16

Dalintis

Naabhabhwira gayo insonga mubhe na omurembe mu-mitima gyemwe, kwa okubha muri mu-mutima gwani. Mu-kyaro anu, muri na nyanko nene, nawe mwasiga okufwa emitima kwa okubha anye niyigire ekyaro.”

Nawe bhunu Mwoyo wa ekimari uyo ariija, aribhatangasha mumenye ekimari kyone kutyo. Ataryaika amangʼana gaaye omwene era, tari aryaika ganu aryungwaga, naabhabhwira na amangʼana ganu gariija.

Na woori mukyari okusabha kyonekyone ku-Nyamuwanga, okuturira kw-isiina ryani. Musabhe Nyamuwanga, kaaja okubhayaana, insonga okujomerwa kwemwe kukuumire.”

“Nawe enibhabhwira ekimari ati, eyibha kujomu kw-imwe ati, anye enigenda ku-Raata. Kwa okubha anye nikasiga okugenda, Omusakisi uyo atakutura okuuja kw-imwe. Nawe nikagenda, eniija okumutuma kw-imwe. Bhunu ariija, aryeresha abhaanu bhoone kutyo ati ni bhakayi, aribheeresha obhurengeresi bhwa Nyamuwanga, na kutyo Nyamuwanga ariramurira abhaanu.

Emwe mwone woori anu musurumbaaye. Nawe eniija okubhasubha-ko kweki, na emitima gyemwe egiija okujomerwa, obhujomerwa bhunu atariwo omuunu unu kaatura okubhusoosha mu-mitima gyemwe. Na mu-kabhaga kayo, mutarimbuusha engʼana ryoneryone. “Enibhabhwira ekimari ati, mukasabha Raata ryoneryone kw-isiina ryani, aribhayaana.

Enibhabhwira ekimari ati, muririra na okusurumbara muno, nawe abhaanu bha ekyaro kinu bheeki bharijomerwa. Murisurumbara, nawe ekisurumbaro kyemwe kiriyinduka nkibha rugirigiri.