Populiarios Biblijos eilutės iš Matɨyo 27

Dalintis

Bugoŋ jɨn̰ tɨwa sɨbɨ di ni borundo ɨni na, Jesu wɨlal dan̰ tumoyi di daa pəŋ ye hɨn̰: «Eli, Eli, lama sabaktani» duroy na «Kumu hɨnge, Kumu hɨnge, ji ɗəŋ coŋ na kɨya wa ga?»

Bɨ ga ma badɨge ga kan bon̰ge te kɨɗɨn̰ ga woy dan̰ cɨndɨge a duroy ƴaa-di-da-Kumu dɨŋ le, sagaŋ duroy nee pɨraŋ kɨɗɨn̰ sɔɔ, daa bɨrɨŋ andaŋ dugo. Cay gɨsəŋ yɨbagdaŋ den̰ den̰ bɨ, garman̰əŋ kaydaŋ bɨ. Kamɨn̰aŋn̰əŋ kaydaŋ bɨ, kalaŋ ga da Kumu ga mage le, kondɨ boyge lɨbɨ bɨ.

Ama Jesu wɨlal dan̰ togii ɗaŋ coŋ bɨ, hɨmbɨn̰.

Gumu gɨ da asɨgar gɨ da kalaŋ ga Rɔm bɨ, asɨgarn̰əŋ ga gamge kɨbɨ Jesu danayi bɨ le, solge cay gɨsəŋ ga sayde den̰ den̰ bɨ, hɨnga ga lee gusɨge bɨ na, hundɔrɔ leege gɨɗaŋ bɨ yege hɨn̰: «Ban gɨ kɛ le, na Kurɨn̰-Kumu leen̰ cɨndi.»

Dan̰ duroy tɨwa di ɨni ɗɨrɨj na, kɨɗɨn̰ buyoŋ ɨndi tɨlɨm. Lee gɨ dɨlɨm ƴee cay gɨsəŋ nɔm bɨrɨŋ gɨsɨn̰ tɨwa sɨbɨ di ni borundo.

Piladɨ jɨga ɨngɨrge yege hɨn̰: «Ma Jesu gɨ kan teeyige Kɨris ban gɨ Kumu dorii le, ɨŋ laayi na wa bɨ ga?» Kan nɔm dɨbiige cay nee yeyige hɨn̰: «Dɨɗii a cay sɨya-gɨ-dagɨli gɨŋ.» Piladɨ ɨngɨrge yege hɨn̰: «Hɨnga ga ɨsɨni ga ban ba lee le, na wa ga?» Ama kan wɨlalge dan̰ togɨyge yen̰ge hɨn̰: «Dɨɗii a cay sɨya-gɨ-dagɨli gɨŋ.»