Populiarios Biblijos eilutės iš LIPOK 1

Dalintis

Idangji Tsüngremi ashi, “Tang asenoki asen ama asen mesükba nung meimchir yangludi; aser tzüyim ango madak, anüng ozütem aser shiruru tapu ajak; kiset aser arem shiruru tulu tila ajak madak parnok ketdangser kümdaktsüdi.” Anungji Tsüngremi nisung pa mesükba nung tebur aser tetsür yanglu.

Tsüngremi parnokji moatsü aser ashi, “Soyapokya-ang aser jenti rena alimaji süngdakjang aser aji azüokang. Tzüyim ango madak, anüng ozütem aser alima nung aliba kechisarena madak ketdang sang.

Tetenzük nung Tsüngremi anüng aser alima poktetdaktsü.

Alimaji kecha mekümtet aser tazüngla liasü. Ammang tzüyim manung liasü aser Tsüngrem Tanela tzüma nung liasü.

Aser Tsüngremi ashi, “Tesangwa adokang” aser tesangwa adok.

Tsüngremi pai yangluba ajak angu aser ajiang aji kanga tajung liasü. Aser aonung aser anepdang naji anogo trokbuba liasü.

Tsüngremi tesangwaji junger ta ajitet aser pai tesangwaji ammang nungi sadang.

Aser Tsüngremi ashi, alima nung aliba tejang atangba, süngo-lio ajak aser süngjang atangba süngdonglidong ajak ni nenok nem agütsür; nenok asoshi itemji chiyungtsü alitsü.

Tsüngremi tesangwa dang “Anogo” aser ammang dang “Aonung” ta aja. Aonung aser anepdang naji anogo mezüngbuba liasü.

Tsüngremi ashi, “Tzü nungi tzü sadangtsüsa tzüji nungtenang” aser yamaji liasü.

Aser alima nung aliba shiruru ajak nem aser anüng ozütem ajak, ali nung ayazüba ajak nem ni süngo-lio tajem chiyungtsü asoshi agütsür aser yamaji liasü.”

Tsüngremi ashi, “Anüngdang nungi aonung lemdangtsü asoshi anüng nung tesangwatem lidakjang aser itemji temaitsü asoshi, mapang, anogotem aser kümtem aser tsüngkhüm mongpu asoshi sang

Tsüngremi ashi, “Alimai rem lanu tapu ajak, metsüjang atangba süngdonglidong tapu ajak, aser tejang atangba süngdong tapu ajak adokdakjang.” Aser yamaji liasü.

Anungji Tsüngremi tzü temalen aser tzü telunglen ta sadanga yanglu aser yamaji liasü.

Ali jagi rem o metsü tapu shia atangba süngolio aser tejang atangba süngdong tapu ajak adokdaktsü aser Tsüngremi aji junger ta ajitet.

Aser Tsüngremi tesangwa tulu ana yanglu; anüngdang asoshi anü, aonung asoshi ita; pai ano petinutema yanglu.

Tsüngremi ashi, “Anüng kübok aliba tzü ajak tesem kati nungtenang, aser ali takong adokang,” aser yamaji liasü. Tsüngremi ali takong dang “Alima” aser tzü nungtenba dang “Tzüyim” ta aja. Aser Tsüngremi aji junger ta ajitet.

Pai item ajakji moaja ashi, “Tejang rena tangang aser tzüyim tzüji süngdakjang aser alima nung ozütem rendakjang.”

Tsüngremi ashi, “Alima nung shiruru tapu ajak, kiset shiruru arem shiruru tulu aser tila ajak adokdakjang” aser yamaji liasü.

Tsüngremi ashi, “Tzüji taküm shiruru aika agi süngdakjang, aser ozütem ali temalen anüng tom nung yimzüdakjang.”

Tsüngremi alima nung shiruru tapu ajak yanglu, aser Pai aji junger ta ajitet.