Populiarios Biblijos eilutės iš Jɔn 15

Dalintis

Amo mo ye Vini tio kom, ye abam ye ko nɛ sem. Wolo maama de amo na me daane to nye de naga kalo na leiri bia dedɛ to mo. Amo nam ná tera á bochara ne, á bá wane kolokolo á ke.

Me-na de amo, se amo de wó taa tigi abam bochara ne. Tio naga bá wane ka taa leiri bia ka tete yerane. Ka jege se ka taa wo tio kom yera ne mo se ka laam wane bia ka lei. Ko nam ye bedwe mo de abam. Abam jege se á me de amo, se á laam wane á ta‑á ke keim-laaro.

Abam nam ná me de amo, ye amo taane dem ná wo á bochara ne, á wó wane á lwoori kolo maama á boboŋa na tɔge to, ye á wó na-ko.

Ko nam dae abam mo kuri amo se á ta‑á tɔge-ne. Amo nam mo kuri abam, ye a daare a tiŋi abam se á ta‑á ke keim-laaro. Keim-laaro tem konto wó taa wora taa taa. Abam ná toŋe keim-laaro tem konto dwoŋi, a Kwo wom wó pa abam kolo maama á na wó lwoori o tei ne amo yere ŋwaane to.

Nɔɔno ná sɛ se o te o dwonna ŋwaane, kotu tiini o jege ba swono mo se ko ja gaale.

Naga kalo na nwoŋi tio kom yera ne ye ka ba leiri bia to, o wó gwo-ka o yage mo. Ko daare naga kalo na leiri bia to, o wó fɔge o kwɛ-ka mo se ka taa leiri bia dedɛ.

Amo ni dem nam mo tento: Á ta‑á swoi daane, se ko maŋe de amo na swoi abam tei to.

Abam ná yeini á ke keim-laaro, ne tio na leiri bu-ŋona dedɛ tei to, á wó seene á ta‑á ye amo kwaga tɔgena, ye konto wó pa a Kwo wom na zula.

Yezu ta ma ta o we, “Amo mo ye Vini tio kolo na ye chekke to. A Kwo maa ye valo wolo na fɔge o nii ko baŋa ne to.

Wolo na wo me de amo to nye de tio naga kalo ba na gwoni ba yage ye ka ko to mo. Tio nɛ selo na koge konto dwoŋi to, ba laam wó pɛ se maama ba de mini ne mo ye se di.

Amo lage se ywoni delo amo na jege to taa wo abam tei ne, se ko pa á wopwolo kom tiini ko gaale. Konto ŋwaane mo a tage wonnu tento taane a bere abam.

Abam ná toŋe á tɔge amo nia yam, á wó wane á ta‑á jege amo swono kom konto. Ko ye bedwe mo de amo na sɛ a Kwo nia yam ye a jege o swono kom a bochare ne tei to.

Kolo a na pɛ abam ni se á ke to mo tento: Á ta‑á swoi daane.”

Abam ya ná ye logo baŋa nyem, ko nɔɔna bam ya wó taa swoi abam, á na ye ba dwonna to ŋwaane. Ko nam na ye tei to, amo mo kuri abam logo baŋa nɔɔna bam wone, ye á daa dae ba nyem. Konto ŋwaane mo balo na jege kugu jei logo baŋa ne to wó taa chuli abam.