Populiarios Biblijos eilutės iš إنجيل يوحَنّا 16

Dalintis

تكلّمْتْ معكُم بْهَد الشي باش يكون عندكُم فيَّ سَلام. في الدنيا غادي يكون عندكُم ضيق، وَلكن تشجّعو، أنا غلبْتْ الدنيا."

وَلكن ملّي يجي روح الحقّ، هُوَ غادي يرشدكُم نالحقّ كامل، حيت ما غادي شي يتكلّم من نفسو، وَلكن كُل حاجة غادي يسمعاْ غادي يهدَر بِها، ويخبركُم بالحاجات الّي ماجّة.

حتّى نْدابا ما طلبْتو والو بِاسمي. طلبو وْغَد تدّيو، باش تكون الفرْحة ديالكُم كاملة.

وَلكن كنقول لكُم الحقّ، خير لكُم نمشي، حيت إدا ما مشيتْ شي، ما غادي شي يجي نْعندكُم المُعَزّي. وَلكن إدا مشيتْ، غادي نصيفطوْ لكُم. وْملّي يجي هُوَ، غادي يوبّخ الدنيا على الدنوب وْعلى التقوى وْعلى الحُكم.

وْحتّى أنتُمَ فحالاْ، دابا عندكُم الحزن، وَلكن ملّي نشوفكُم عاود، غادي يفرح قلبكُم، وْحتّى واحد ما غادي يزوّل مِنْكُم هَد الفرْحة. وْفي ديك النهار ما غادي شي تسقصيوني على حتّى حاجة. كنقول لكُم الحقّ، كُل شي الّي كتطلبوه من عند الآب بِاسمي، غادي يعطيه لكُم.

كنقول لكُم الحقّ، أنتُمَ غَد تبكيو وْتنوّحو، أمّا الدنيا غادي تفرح. أنتُمَ غَد تحزنو، وَلكن الحزن ديالكُم غادي يرجع فرْحة.