Populiarios Biblijos eilutės iš ยอห์น 5

Dalintis

“แว เฮ๊จ๊อจ๊อ ซี, แกแย เด๊อ อา หนิโฮ แว ลาโหง่ เออเรอ อา หยื่อเอ่แหน่ เพร เด๊อ อา นอแฮแล แว เออเตเพร เต๊เห่เนอ, อา พย๊าหนิ ซิปล่อเซอเพร ตูจูเพร เฮ๊อ. เร๊อ อา แม๊เถอะ เบ่น๊อปา เด๊อ เตเมจากาคยาโต่. อา จว๊า ตาลว๊าเบ๊ เฮ๊อ เร๊อ เตเซอ เร๊อ อา จว๊าโน เฮ๊อ เด๊อ เตเซอเพร อากูเฮ๊อ.

เหย่ซู่ แม๊เถอะ อา โอ่เมอโอ่แต่ เบ๊อะเนอ เร๊อ อา ซิเง เร๊อ อาชุ๊ย งยาเฮ๊อ อาขว่าอาคยา, อา แด๊เฮอ ลู เน๊อ, “เน ซิหยื่อ นอโอ่เหม่ เน เตชุ๊ย แอ?”

ซี แม๊ปูซิเง แลแค ลีเทส่อพ๊า เต๊เห่ เมเตเฮ๊เรอ ซี เตเน เร๊อ ซี เก่ แม๊เถอะ ซิปล่อเซอเพร ตูจูเพร เบ๊อะลี เออเนอเต๊เห่ อากู ปา. ลีเทส่อพ๊า เออเต๊เห่ เนอหม่า อา ข่าเฮ๊โล เป่เฮ๊อ ซิปล่อ เร๊อ แวหรี่แวแก เฮ๊อ. หม่าแน๊เรอ แซ่ฮู๊ ซี เก่ พย๊าหนิ เกออู ซิปล่อเซอเพร ตูจูเพร อาเงเนอ, ซี ซิหยื่อ แฮ เกอ แลแค เด๊อ แว โอ่ โต่.

แบ่เจ่ เฮ๊ อา เน๊อ, “ก๊อถ่อ ถู่ลูหนิ เน เหล่เมอ เร๊อ จว๊ามอ.” อาเตชุ๊ย อาโอ่เหม่แก เจ๊อ โตโพ๊โต เร๊อ อา ถู่ลูหนิ อาเหล่เมอ เร๊อ อา จว๊า. เตเมอาเหน่ เออเนอ อาโต เร๊อ แกแยยิวพู๊ อา ม๊อเนอโด่ อาขว่าอาคยา

ฮู๊เนอเรอ, เหย่ซู่ เฮ๊ฉื่อ เหย่ซี เน๊อ, “แว เฮ๊จ๊อจ๊อ ซี, พู๊คูเออ อา เม จู๋ ดื่อ ฮู๊ อา ซิหยื่อเม เนอหม่า อาหนิ โต่. อา เมแพ๊ ฮู๊ อา แม๊เถอะ อาเพ จอแปแหร่ เมเนอ เต๊เห่ แพ๊. เพ เมเต อิเต๊ เบ่เบ่, อา พู๊คู เม เกอดื่อ ฮู๊เนอ.