Populiarios Biblijos eilutės iš ᤋᤥᤗᤡᤱᤛᤥᤔᤢ 9

Dalintis

ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤠ᤺ᤳᤋᤢ. “ᤀᤠᤱᤃᤠ᤹ ᤏᤢ ᤂᤧᤏᤧ᤹ ᤜᤧᤰᤁᤩᤠᤱ ᤂᤧᤏᤧ᤹ᤏᤢ ᤁᤧᤘᤠ᤹ᤒᤠ ᤁᤧᤖᤧᤰ ᤁᤢᤛᤰᤔᤠ ᤁᤧᤕᤠᤰᤐᤠ ᤌᤰᤛᤠᤐᤢᤛᤠᤜᤠ᤹ ᤗᤢᤶᤔᤥ ᤜᤧᤰᤁᤩᤠᤱ ᤋᤠ᤺ᤴᤍᤡ ᤁᤧᤍᤠᤒᤠ ᤁᤧᤖᤧᤰ ᤌᤠ᤺ᤰᤜᤠ᤹ᤖᤧ ᤗᤠᤃᤡ ᤀᤠᤱᤃᤠ᤹ ᤆᤥᤃᤢᤱᤒᤠ ᤔᤠᤱᤜᤢᤵᤐᤡᤸᤗᤧ ᤔᤡᤰᤛᤣᤴ ᤁᤴ ᤐᤥᤱᤗᤥ— ᤂᤠ᤹ᤔᤡ᤺ᤳᤋᤥ ᤀᤠᤏᤠᤶᤎᤡᤱᤃᤥᤴ ᤑᤳᤇᤢᤱ. ᤜᤧᤰᤁᤩᤠᤱ ᤂᤧᤴ ᤀᤠᤱᤃᤠ᤹ ᤏᤢ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤸᤗᤧ ᤁᤢᤗᤢᤶᤔᤥ ᤗᤳᤇᤠ ᤔᤠᤱᤜᤢᤵᤗᤧᤴ ᤔᤡᤰᤛᤣᤴ ᤐᤥᤱᤗᤥ॥

ᤂᤠ᤹ᤔᤡ᤺ᤵᤐᤥ ᤏᤠᤶᤎᤡᤱᤃᤥᤴ ᤏᤡᤎᤠ᤺ᤵᤐᤡᤸᤗᤧ. ᤀᤠᤱᤃᤠ᤹ ᤂᤧᤴ ᤀᤥᤔᤧᤳᤋᤢᤱᤅᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤢ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤧᤖᤧᤰ ᤁᤢᤜᤡᤱᤘᤧᤳ ᤐᤠᤎᤢᤱᤛᤠᤜᤠ᤹ᤗᤢᤶᤔᤥ ᤁᤧᤒᤥᤱᤒᤠ ᤛᤍᤠᤍᤡᤱᤒᤠ ᤔᤠᤱᤜᤢᤵᤐᤡᤴ ᤏᤡᤱᤘᤠ᤹ ᤀᤡ᤺ᤳᤋᤢᤱᤗᤥ॥”

“ᤔᤏᤠ ᤁᤧᤛᤧᤵᤐᤠᤴ ᤔᤏᤠᤖᤧᤀᤣ ᤔᤧᤛᤧᤖᤢᤖᤥ. ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤒᤠᤅᤣ ᤁᤢᤈᤀᤡ᤺ᤳᤋᤥ ᤔᤧᤴᤇᤠᤶ ᤕᤠᤵᤔᤡᤴ ᤆᤥᤃᤢᤒᤠᤖᤥ॥

ᤂᤧᤒᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤏᤢᤜᤴ ᤏᤢ ᤁᤢᤛ᤻ᤛᤠᤜᤠ᤹ ᤜᤠᤱᤘᤠᤔᤢ᤹ᤀᤡ ᤐᤡᤖᤢᤛᤡᤀᤠᤱ ᤔᤧᤳᤋᤢᤛᤡ. “ᤔᤡᤰᤁᤡᤑᤢᤱ ᤑᤧᤰᤋᤠᤶᤔᤧ᤹ᤖ ᤐᤥ᤺ᤴᤍᤧᤶ ᤌᤧ᤹ᤖᤧᤶᤔᤧ᤹. ᤜᤧᤰᤁᤩᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤌᤡᤶᤛᤧᤶᤔᤧᤖ ᤐᤣᤃᤧᤶᤔᤧ᤹॥

ᤁᤢᤛᤰᤔᤠ ᤁᤧᤕᤠᤰᤐᤠ ᤔᤢᤴᤈᤡᤱ ᤘᤕᤠᤰ ᤁᤧᤗ᤹ᤒᤠ ᤁᤧᤖᤧᤰ ᤌᤰᤛᤠᤐᤢᤛᤠᤜᤠ᤹ ᤂᤡᤏᤡ᤹ ᤆᤠᤔᤠ ᤁᤢᤈᤠ ᤐᤥᤱ॥ ᤁᤧᤖᤧᤰ ᤛᤖᤣ᤺ᤰᤁᤩᤠ᤺ᤵᤐᤠ ᤌᤠᤒᤢᤍᤡᤱ ᤛᤡᤱᤒᤢᤱ ᤗᤢᤱᤒᤢᤱᤜᤠ᤹ ᤂᤡᤏᤡ᤹ ᤐᤡᤏᤡᤱᤒᤠ ᤜᤧᤰᤁᤣᤀᤣ ᤀᤠᤸᤗ ᤂᤡᤏᤡ᤹ ᤁᤧᤖᤧᤰ ᤐᤠ᤺ᤴᤜᤠ᤹ ᤐᤡᤏᤡᤱᤗᤥ॥

ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤧᤖᤧᤰ ᤌᤰᤛᤠᤜᤠ᤹ ᤏᤢ ᤋᤠᤱᤛᤠᤱᤒᤥ ᤁᤧᤒᤧᤒᤠ ᤁᤧᤖᤧᤰ ᤐᤢᤛᤠᤜᤠ᤹ᤖᤧ ᤜᤧᤰᤁᤩᤠᤱ ᤘᤖ᤺ᤱᤅᤥ ᤁᤧᤕᤠᤰᤐᤠ ᤁᤧᤖᤧᤰ ᤅᤠᤜᤠ᤹ᤖᤧ ᤂᤡᤏᤡ᤹ ᤁᤧᤶᤃᤡᤖᤡ᤹॥ ᤂᤧᤱᤜᤠ᤹ ᤂᤡᤏᤡ᤹ ᤜᤢᤰᤁᤥᤀᤣ ᤔᤧᤘᤠ᤹ᤖᤥ॥

ᤂᤡᤏᤡ᤹ᤃ ᤔᤡᤰᤁᤡᤑᤢᤱ ᤑᤧᤰᤋᤠᤶᤔᤧ᤹ᤖ ᤐᤥ᤺ᤴᤍᤧᤶ ᤌᤧ᤹ᤖᤧᤶᤔᤧ᤹॥ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤀᤠᤳᤋᤠᤋᤠᤴᤏᤣ ᤕᤖᤡᤰ ᤜᤡᤴᤈᤠ᤹ᤒᤡᤳᤇᤠ᤹ᤜᤠ᤹ ᤔᤧᤘᤠ᤹ᤖ. ᤜᤧᤰᤁᤩᤠᤱ ᤕᤖᤡᤰ ᤔᤧᤒᤥᤱᤅᤠᤱ ᤔᤧᤒᤥᤴ ᤔᤧᤒᤣ᤺ᤰᤗ॥”