Populiarios Biblijos eilutės iš Zouao 7

Dalintis

—Madirra ouaza parrissa narraripa passo camittehecca carriuitoui. Narraro poua bodicca qquenezape torraribaqquinitoui. Narrarope Deo Atti dozo naniza dozo naporraro −nade Zeso.

Oza rrorroredecca errete uada rricaniccana denima bica tarraro. Narraro uadazana Zeso uaza rrazirema uati uati tarraride: —Tibacco rrocozape ouaza ticcarroneza ze tarri −nade.

Arra Zeso uati tarraripa pouaza madirra parrissa quenarraridenina Deo Corime carrimanauitoui, narrari. Naraha Zesopa zoqque, nauatoni, toccamacossani narraraccazapa Deo Corime torrariza-rraraccarrariparrade.

Nezape arrirraro uima tibodideni uatonissa tarri. Ponima “Uaidira tani” tiquenerrerarri. Uima nattomede tiquerreneza parrissehera nattome tiquenanissa tarri −nade Zeso.

Arra madirra pocca uima uati uati tatarra narraripa madirra ouaha pouaza: “A, tiape nauato tinani” nauiuarrine uati uati tatarra narrari. Naraha madirra ouaha uati uati tatarra narraripa: “Arrirraro uimape orrine rrerani, oua Cazossedecca uima, pouazara tetizemanarri” narrari. Narrarina parrissehecca uima uati uati tatarra narrari. Maiza-rrararrari −nade Zeso.

Naraha Zesopa pouadeniza uati tade: —Occa marinarrape occa rrerani, oua Cazossederrine −nade.

—Nazama tiadenizape arrirraro zamacca madirra nacasseraqquiri narraraui. Naraha ouazana nacasseraqquiri narrari, ouape poccadeni uimasiri cacomera oneza.