Populiarios Biblijos eilutės iš Zouao 10

Dalintis

—Arra bobotidepa botiuiuarrine, toponi nanazoqqueuiuarrine, toponi tonauaidirauiuarrinera ccarrona taui. Naraha ouape toponi tonassiuauadera occarronarraro, madirra bodideniza madie bicanicca carrimanauissa tauiuarrine.

Ouape eueue cacauade bicabote. Eueue cacauade bicabote pocca eueueza tossiuauehe da ina tani. Pocca eueue tocassiuauerauiuarrinepa pouana poua ccaccora taui.

Occa eueuepa ouatti nauatoqquiri naui. Manaco oua naqui pouadeniza onocco rrizera tani. Pouadenipa ouaza rrauirizarrari.

Ouape pouadeniza camittehe rriquerreranicca da onarizarraro. Pouadenipa parra zoqquemanari-rrarauitoui. Pouadenipa ouacauabaqquiuissa tarrari. Ozepeccapa idinibaqquimana-rrarauitoui.

—Ouape pina totoqquezima orrani. Madirra ouaza rrarrauizima narraripa tossiuauehe carrimanauitoui. Pouadenipa pina occa eueuessa quenarrari. Zomepa eueue pouadeni tazariza rrarraui torrezimani naza cacauadepa nauiza ehecauabaqqui narrari. Ssiuarrapa cacauade eheqquenabaqqui narrari, mina bicani rripemanauiuarrine. Ouape occa madirra ouacauabaqquiuissa tarrari −nade Zeso.

—Naraha ouape eueue cacauade bicabote orrani. Nema onarrarope madirra ouaza toquerrenarraripa ouacauabaqquirrari. Occa Abipa ouaza nocco rrizera taui. Oua naqui occa Abi Pouaza onocco rrizera tani. Narrarossa narraro ouape occa eueueza onocco rrizera tarraro. Manaco occa eueue ouaza noccodeni rrizeraqquiri narrari. Nazama ouape occa eueue tocassiuauerauiuarrinepa ouana oua ouaccoraniuarrine.

Arra ouaza toquerrenarraridenipa occa Abina ouaza inanarizarrari. Occa Abina deni torrarrari. Naraha bazima motadenipa arramani toquerrenaui. Abi poua zepeza toquerrenazapa idinibaqquimana-rrarauitoui. Oua occa Abi tezerrepe pina irrariqquirrarossa narraro −nade Zeso.

—Naraha ouape eueue cacauade bicabote orrani. Nema onarrarope madirra ouaza toquerrenarraripa ouacauabaqquirrari. Occa Abipa ouaza nocco rrizera taui. Oua naqui occa Abi Pouaza onocco rrizera tani. Narrarossa narraro ouape occa eueueza onocco rrizera tarraro. Manaco occa eueue ouaza noccodeni rrizeraqquiri narrari. Nazama ouape occa eueue tocassiuauerauiuarrinepa ouana oua ouaccoraniuarrine.

—Arri ozoqquerraro naqui madirra ouaharrine rrerani. Ouana oua ouaccoreza oua inanazoqque-mananitoui. Occa camittehe ouaccoraniuarrine oparrireni. Occa camitteheza bacco onanipomaniuarrine naqui oparrireni. Arrirraro zossenirripe occa Abirrine −nade Zeso.

Nazapa Zeso madirra mittemanauiuarrine uati tapomade: —Parrissehera tiadeniza uati onana: Ouape eueue tazariuarricca totoqquezima orrani. Narraro totoqquezimazape eueue rrarraui torrezima narrari.

Naraha madirra ouahapa manaconitouira eueue ecauabaqquiza zomarri ccarronaui qqui tazapa eueue inebobaqqui… rroppa taui carri taui. Pouapa eueue rrinede rrararrari. Nazapa eueue inebobaqquizapa zomarri eueueza ssonarizapa motapa torraribaqqui taui.

Nazapa Zeso uati tapomade: —Parrissehera tiadeniza uati onarraro: Madirrapa arra eueue tazaricca totoqquezimaza toqquezima-rraraza totoqquezima noueraniuarrina rroppa tozimarraripa bobotide.