Populiarios Biblijos eilutės iš Matyo 7

Dalintis

“Bitə, o mɨ kwarə; shwaʼə; o mɨ ze; kwɛntə, bɨ mɨ ŋaʼ ntsu ndá a mbó gho ghe.

Mbɨ́ʼ ngə́ ŋwɔn tsum wa a bítɨ́nə́, a kwárə́ ghe, wa a shwaʼnə, a zě ghe, bɨ ŋǎʼ ntsu ndá a mbó ŋwɔn tsum wa a kwɛntɨnə ghe.

“Ma lan, ŋwɔn tsum wa a zúʼnə́ mɨgham məmen nkə́ ndzúʼnə́ a mɛrə, a be lá tso ŋwɔn zóŋ wa a vwúnɨ́ ndá ɨzhi atú aláŋsə́ ngɔʼ ə.

Ghɨ a mbó ɨbɛn bə mɔʼɔ tsɛʼ adzaŋ za o lɔnə ngə́ á bɨ ghɨ a mbó gho ghe: nə nɨ ɨnu tsa Nyɔngɔŋ Mǒse abɔʼnɨ ntóm Ŋwi kɨ́nə́ ndiʼə ghe.”

Lá ntsu abuʼ wu ntsi ntən nɨnkoŋ ɨ shwɛrɨkɨ, ndómnji wa ɨ ghɛnə ɨwu ɨ tən, a nɨ tsɛʼ ɨbɛn a nɨ́sháŋnɨ́ mbáʼ bɨ lɔnə a wɛrə ndzě ghe.”

“Tsa a nye ntsu abuʼ wu shwɛrɨkɨnɨ, mbɨ́ʼ ngə́ ntsu abuʼ ɨmugɨ nɨnkoŋ ɨ faŋ, ndómnji wa ɨ ghɛnə ɨwu ɨ kɨ ngwaŋnə, ɨnɔ ɨbɛn kə ntsǎ ɨwu ə.

Be bən ba nɨ bɨ́gɨ́nɨ́ zhi adzaŋ a ngá ɨdzúm tsɨ shiʼnɨ a mbó ɨbɔ ɨbən, a ghɨ tiʼ bə be ɨ nə́ a mbó Ta ɨwən a fɔməbvurə a ngá ɨdzúm tsɨ shiʼnɨ a mbó ɨbɛn ba bɨ bitɨnɨ wəmbo le!

“Koʼ ɨbɛn bə mɔʼɔ saʼə taŋ á Ŋwi a ghɨ nkeʼ agho kɨ saʼə. Ŋwi a ghɨ sáʼ agho ɨ zɔŋ tsɛʼ adzaŋ za o sáʼnɨ́ ɨbɛn bə mɔʼɔ, ɨfɨʼ za o saʼnɨ ɨbɛn bə mɔʼɔ ɨwu lá, bɨ ghɨ kɨ lɔgɨ tsɛʼ a zɛrə ɨ saʼ agho ɨwu ə.

Lá ŋwɔn tsum wa a zúʼnɨ́ mɨgham ɨman men nkeʼ a mɛrə a ndzúʼnə́, a be tso ŋwɔn adzɨŋtɨ wa a vwúnɨ́ ndá ɨzhi atú awaŋə ghe.

O liŋə a mə shɛntə azúm a nɨdɨgɨ mɨma ɨgho lá mbɨ́ʼ ake, mbáʼ ka o ndzě agho a kúmnə́ wa a tsinɨ a nɨdɨgɨ gho lá le? O chi soŋ a mbó mɨma ɨgho lá ɨ nə́ ngə́, ‹Mɨma, tɛm á ma fɨgɨ ɨshɛntɨ za a nɨdɨgɨ gho ghe,› lá mbáʼ ka o ndzě agho a kúmnə́ wa a nɨdɨgɨ gho lá le?

“A nɨ lə ɨtú ɨtsən a nye ntóm Ŋwi tsɨ ɨchwenu ə; bo yiŋə a mbó bən tso mbyindzɨ, ɨnyam za ɨ chinɨ keʼ ɨbvu ghɨ a nye nkyerɨ ɨza, lá mbaŋnɨ mbe angwabáʼ, ɨnyam abɨgəntəm, ɨmu ɨmu ə. Nɨ mɨ zhi awa a nye ngɨnɨ mɨnu ɨma ghe. O chi koʼ sɛʼ nténté a ɨshwúrɨ́ zagəzagə, akə́kwɛ́n a keʼ ankwɛbɨnɨ a nkónə́ ghe.

Atɨ zə shiʼnɨ a kónɨ́ mɨntam mɨ atɨ mə shiʼnɨ ə, atɨ a tɨbɔŋ a konɨnə mɨntam mɨ atɨ mə tɨbɔŋ ə.

Atɨ zə shiʼnɨ a chi keʼ mɨntam mə tɨbɔŋ konə, atɨ a tɨbɔŋ a chi keʼ mɨntam mɨ atɨ mə shiʼnɨ konə.

Atɨ atsum za ka a nkónə́ ayi mɨntam mɨ atɨ mə shiʼnɨ, bɨ mɨ warɨ a zɛrə ɨ maʼ a mu ɨmugɨ ə.