Populiarios Biblijos eilutės iš YOHAN 12

Dalintis

Ngo re caung da" nug: ra" yaug wa nga" thao cao" ca" ra"- amung: ngo na: ra" jo, qo mae nga" daui daui yaug re: na: li" nae"- nga" Pho" wa ngore caung da" ra" yaug re phug' te' nga: yhe' li" nae"- ga: tau" ra".

Yao: yao" kao so' re qhaung: ra" yaug wa kao so' jeim: nae"- ce: mug:myid dao mae yao: yao" kao so' re mabyag: ra" yaug kam" wa apyad ato: kao so' re shaung: to" li" nae".

Naonhaung" re ngo dang za: ta" geli"- Jung: gaug ce' wa myid gaung mae ke' yang: nyhab' pye' ru maqhug' ngad: re wa dace' mae" je yang: gatau mamyo" li" ngad: ra". Nyhab' pye' ru qhug' ngad: re wa ashi: myo: sho' zaui" li" ra".

Ngo re lam" ra" mo, alhab' wa mug: cad' yo mae mana: jo, nae" qhid' mae" ngo wa bo" bao khyo" ce: mug:myid dao khyo joe" li" va".

Nga" mungdao: re gyo" yu mung: maphug' cao" ra" yaug re wa ngo wa- yao: re dao: makho' nae". Ngo wa mug: myid byu qere dao: kho' nae" qhid' mae" joe' li" ru mangad:- Khyad' yu nae" qhid' mae" joe" li" ru ngad: ra".

Ailao" Mari wa gyai phug' de; ra" sheim nae pyo" ra" Nard xau gyang" daxe laung ko yu: yu yang: Yesu khyid mae vhe' gyad byid: mung:- yao" xae: yang sad' pye' byid' ra". Ai: xau wa dayham geim" mae byang" sho' nae: jo; ra".

Aimung: yao: bam wa Zhunpalun akaung jham re yu yang: yao: re tug: yu nae" qhid' mae" ye" lo" ako". Amung: yao: bam wa Mao"So re caung:khin" byid: ge,- Asang: mang we' joe' li" ra" yaug wa ngaui lho" vashao: wo"- Israel kho:kham wa ngaui lho" vashao: wo"- ga: zag: hug' ako".

Yesu wa yao: shid' zo: re- Byu: Yao: Zo: phungbao qi: qo" khae: yu nae" yo, khyin: ana" joe" ava".