Populiarios Biblijos eilutės iš APAN AQAO: 27

Dalintis

Mao"So wa mug:gaung mae" nao re nghin khyo" byid: mung: ni" yothaung: jham re myid xau gai nhao vashao:- yao: wa nao re byid: vashao:- Byumyu" qe wa ni" nho: daui daui mo, boe" vageshao:- amung: byu qere ni" qhid' kheim: mae goe; gyo" vageshao:- nao wa ni" ba nam sang: cao: alhab' mo; dao mae eib vashao:- amung: ni" myhi" nho: myid:zo: qe wa ni" qhid' kheim: mae goe; gyo" vageshao:- nao re nhang" ra" mo, wa nhang" ru qhug' vageshao:- amung: nao re shaman" byid' ra" mo, wa shaman" byid' ru qhug' vageshao:- ga: yao: re shaman" byid' ra".

Ailao" Eso wa yao: ngore mhug' zo" ru celhang wa shid' lhang ein: lhang ngad va". Yao" mang Yaku ngad: rure khag' mug' nae" khyo majo,- yao: wa nga" zoqhid' aya: re yu: pye' byid: mung: ana" re: nga" nho: shaman" jeju re yu: pye' ra". Nga" qhid' mae" shaman" dao: nao matang" to: lo: i? ga: ta" ra".

Ailao" Isag wa ni" qhid' mae" mug:gaung mae" nghin magyo" byid: nae"- ni" qhid' mae" myid xau gai: ra" yothaung: majo, nae". Nao wa nao yao" shae: yang kao so' daui: li" nae". Ngadqere: ni" nhaung" nho: jeim doe; li" nae" ai ngad sho' ngadqere:- nao yao: re geim lau to" lao" wa yao" lo, mae" qo" loe; li" nae"- ga: yao: re ta" ra".

Eso wa xo' yang: yao: pho" re- nga" pho" we"- nga" pho" we" nao wa shaman" dao: daja: za: qo" i? Ngo rere: shaman" byid: la, ga: ngug yang: mho' ra".