Populiarios Biblijos eilutės iš LAGYO: 2

Dalintis

Petru wa yao: bam re- Naonhaung" alhab' mo, myid tha" pye' ge,- naonhaung" qobo jham khyad' pye' byid' ru qhug' genae" qhid' mae" Yesu Khristu mang mae naonhaung" yaug khao: ngo" qid nyhab' kham: yu ge,. Airu:lao"- Mao"So: jhaung qhu" Gyang" Lho" Byo re naonhaung" qo" khae: yu: li" genae".

Yao: bam wa lagyo: qe: dao: re zhao: yu- daga" za: bozam" khug: na- mug khyoe' phai" ra" khyo re kad'- daga" za: akyu" mho' mung:- yo, khyin: ba na re gan: lo" nhao: ako".

Yao: bam alhab' mo, wa Gyang" Lho" Byo byang" mung: ai: Byo: yang qo" jhau nhao: ru we' dakhyo:- gatau myan" aja: ja: jhau: thug' li" ako".

La qam" hug' ra" thoe we' dau: ra" thoe dathoe mug:gaung mae" nyag din taung" myang: thug' li" mung: yao: bam na: ra" yham geim" mae ai:thoe byang" jo; ra". Ai: thao yao: bam wa nga" byo: sin" jo; ra" myishae jham we' dau: ra" myishae jham wa yao: bam yaug khao: ngo" au: dao mae de; jo; rure myao: ako". Yao: bam alhab' mo, wa Gyang" Lho" Byo byang" mung: ai: Byo: yang qo" jhau nhao: ru we' dakhyo:- gatau myan" aja: ja: jhau: thug' li" ako".

Yao: bam wa ba khao: ba ngo" Caung:pa" Yham mae ham: phaung yang: yao: bam yao" yham khug mae mug khyoe' phai" mung:- nyham: khyo" ra" nhag' lam: we' ngaui bau: ngaui lho" daga" za: zo:ve zo" ako". Yao: bam wa Mao"So re caung:khin" byid: mung:- byu alhab' mo; qhid' kheim: mae nga: ye; ako". Asang wa khyad' yu: ru qhug' ra" mo, re ba khao: ba ngo" yao: bam: phung: mae laung: byid' ra".

Yoela wa Mao"So ceru: ta" ra"- Ngo wa lo" thao" ra" ba na mae byu yaug khao: ngo" dao mae nga" Byo vhe' sheim: byid: nae"- naonhaung" yauggai zo: qe wa nga" mung dao: re kho" kyo" li" genae". Naonhaung" nho: zolau: qe wa ve, lho myao: li" genae"- amung: naonhaung" nho: mao: zo: qe wa yab mo, myao: li" genae".

Lam khug: ra" mo, wa daga" za: zam" khug: na mung:- yao: bam qo" ra" zai jham re daga" za: jho" ceim" myho" ci yang: na: ako". Yao: bam wa yao: bam: jo, nho" zai yo jham re aung" pye' mung:- ai: ngaui re khoyaug khoru: qo ca" rure cao" yang: yao: bam yao: cao: jho" byid' ako".

Ailao"- bao" thaug' yu nae" qhid' mae" Asang re mho' yaug khag' ngadqere:- khyad' yu: ru qhug' li" nae"- ga: ta" ra".

Phungbao qi" qhang: ra" Asang: Ba Na majoe" li" shimae" ba wa cad' sham: no; lo" mung:- lho" wa sa: ru: ne: lo" byaug: li" nae".